"Savitskiy kundaliklari. Qadimiy va navqiron”: Toshkentda uchinchi multimedia ko‘rgazmasining ochilishi
O‘zbekiston madaniyat va san’atni rivojlantirish jamg‘armasi 7-mart kuni nafaqat taniqli rassomlar, balki O‘zbekistondan ilhomlangan ijodkorlar bilan ham tanishtirishda davom etadigan uchinchi multimedia ko‘rgazmasini ishga tushirdi.
Ko‘rgazma “O‘zekspomarkaz"ning 5-pavilonida bo‘lib o‘tmoqda.
Multimedia koʻrgazmasida tomoshabinlar Igor Savitskiy nomidagi davlat san’at muzeyi kolleksiyasidagi asarlarni tomosha qilishadi. Bu asarlar Markaziy Osiyo an’analari va madaniyatini aks ettiribgina qolmay, balki san’atkorlar yaratgan hikoyalarda tarix va madaniyat uyg‘unlashgan mintaqa qiyofasini o‘zgartirgan XX asrdagi tarixiy voqealarni ham qamrab oladi.
Tashrif buyuruvchilarni o‘z asarlariga zamonaviy va an’anaviy motivlarni singdirgan o‘ndan ortiq rassomlarning asarlari va hikoyalari bilan tanishadi.
Rassomlar: Pavel Benkov, Nikolay Karaxan, Yelena Korovay, Mixail Kurzin, Ruvim Mazel, Usto Moʻmin, Igor Savitskiy, Ural Tansiqboyev, Oganes Tatevosyan, Viktor Ufimsev, Aleksandr Volkov va boshqalar.
Ular asosan bozorlar yoki choyxonalar, shahar manzaralari, koʻchalar, transport va turli xil kiyimdagi odamlarni tasvirlashgan. Markaziy Osiyo xalqlarining hayoti, urf-odatlari va madaniyatini aks ettiruvchi hamma narsani qogʻozga tushirgan.
Umuman olganda, asarlar realizmning badiiy akademik an’analari va Sharqning romantiklashtirilgan timsoli — “orientalizm"ni aks ettiradi.
Foyeda har bir rassom ishlab chiqqan asarlar, shuningdek, ularning tavsifi va yoʻnalishi haqida ma’lumot beruvchi plakatlar mavjud.
Ko‘rgazmada aktyorlar va boshlovchilar ijrosidagi audio yozuv mumtoz musiqa jo‘rligida ijodkorlar hayoti haqida ma’lumot beradi. Bu tomoshabinga hissiy jihatdan yanada chuqur tubliklarga shoʻngʻish imkonini beradi. Xoʻsh, ekranlar va polda, har doimgidek, HD proyeksiyasilarni animatsion grafikalar bilan koʻrish imkonini beruvchi proyektorlar mavjud.
Bir koʻrgazma seansi taxminan 50 daqiqa davom etadi va har soatda 10:00 dan 20:00 gacha oʻtkaziladi.
Kirish narxi — 20 000 soʻm. Maxsus maktablar va maktab-internatlar oʻquvchilari, shuningdek, 10 yoshgacha boʻlgan bolalar uchun esa bepul. Maktab o‘quvchilari, talabalar va pensionerlar uchun 50 foiz chegirma mavjud. Juma kuni koʻrgazmaga kirish hamma uchun bepul.
Ko‘rgazma nafaqat keksa avlod vakillari, balki eng yosh tomoshabinlarda ham katta taassurot qoldiradi. Masalan, ushbu tadbirga borish Oʻzbekiston tarixi yoki tasviriy san’at boʻyicha darsga ajoyib alternativ boʻladi.
Ko‘rgazma 7-iyunga qadar davom etadi.
