Uzbekistan Airways barcha reyslarga 30 foizlik chegirma e'lon qiladi
E’lon qilingan sana: · 463

Uzbekistan Airways aviakompaniyasi oʻzining tashkil topgan kuni munosabati bilan chegirma e’lon qiladi. Bu haqda kompaniya oʻz matbuot xizmatida xabar berdi.
Qayd etilishicha, aviakompaniya ish boshlaganining 33 yilligi munosabati bilan iqtisodiy va biznes klass xizmatlarining tariflariga 30% chegirma e’lon qiladi. Chegirma barcha yo‘nalishlar bo‘yicha faqat bir kun — 2025-yil 28-yanvar kuni amal qiladi.
Chegirmali aviachiptalarni “Booking.uzairways.com” saytidan, aviakompaniya agentlaridan va Uzbekistan Airways Sales filialidan xarid qilishi mumkin. Ma’lumot uchun, yo‘lovchi va yuk tashish tarifiga qo‘shimcha ravishda turli soliqlar, yig‘imlar va qo‘shimcha to‘lovlar belgilanadi, ularga 30% gacha chegirma qo‘llanilmaydi.