"Uzbekistan Airways" keksalar uсhun mahalliy reyslarga chegirma e'lon qildi

60 yoshdan oshgan erkaklar va 55 yoshdan oshgan ayollar uchun aviachiptalarga 15 foizgacha chegirma beriladi. Bu haqda “Uzbekistan Airways” aviakompaniyasi matbuot xizmati xabar berdi.

Qayd etilishicha, keksalar uсhun turizm oyligi munosabati bilan “Uzbekistan Airways” barcha ekonom klassdagi tariflarga 15 foizgacha chegirma taqdim etadi. Chegirma 2024-yil 1-noyabrdan 30-noyabrgacha amalga oshiriladigan mahalliy aviaqatnovlarga amal qiladi.

Ma’lumot uchun, chegirmali aviachipta xarid qilayotganda Oʻzbekiston Respublikasi fuqarosining pasporti yoki ID-kartasi bo‘lishi kerak.

Chiptalarni kompaniya rasmiy veb-sayti orqali xarid qilish mumkin. Yoʻlovchi va yuk tashish tariflariga qo‘shimcha ravishda turli soliqlar, yigʻimlar va to‘lovlar ham o‘rnatiladi. Ularga 15 foizgacha taqdim etiladigan chegirma amal qilmaydi.