“Uzbekistan Airways” bir qator xalqaro reyslarga chegirma e’lon qildi
E’lon qilingan sana: · 471
“Uzbekistan Airways” aviakompaniyasi “Yorqin payshanba” aksiyasi doirasida Toshkent, Nukus va Urganch shaharlaridan qator xalqaro reyslarga 20 foizli chegirma taqdim etadi. Bu haqda kompaniya matbuot xizmati xabar berdi.
Bir kun davom etadigan aksiyada 15-sentyabr kuni quyidagi aviareyslarga chegirma amal qiladi:
- Toshkentdan Boku, Batumi, Grozniy, Yekaterinburg, Maxachkala, Nyu-York, Sochi, Tbilisi, Ufaga va ortga;
- Nukusdan Istanbulga va ortga;
- Toshkent va Urganchdan Moskvaga va ortga.
Aksiya faqat bir kun — 15-sentyabr kuni soat 00:00 dan 23:59 gacha amal qiladi. Chiptalarni kompaniya rasmiy veb-sayti orqali xarid qilish mumkin. Yoʻlovchi va yuk tashish tariflariga qo‘shimcha ravishda turli soliqlar, yigʻimlar va to‘lovlar ham o‘rnatiladi. 20 foizli chegirma yig‘imlar, soliqlar va boshqa qo‘shimcha to‘lovlar uchun amal qilmaydi.