Vinche Abbrachchante konserti

“O‘zbekiston” xalqaro anjumanlar saroyining ochiq maydonida Xalqaro jaz festivali dasturi doirasida italiyalik musiqachi Vinche Abbrachchantening chiqishi bo‘lib o‘tadi.

Ajoyib uslubi, blyuz va sving ohanglarini nozik his etuvchi, akkordeonning kelajagi porloq yulduzi barcha musiqiy janrlarda mohir iste’dod bilan ijro etadi. Kastelfidardo XXV xalqaro mukofoti sohibi. 2000-yildan buyon Kastelfidardo shaharchasidagi Borsini akkordeon fabrikasida san’at ustasi.

Konsert O‘zbekiston Madaniyat va san’atni rivojlantirish jamg‘armasi tomonidan tashkil etilgan Xalqaro jaz festivali doirasida bo‘lib o‘tadi. Konsert Italiya elchixonasi ko‘magida o‘tkazilmoqda.

Kirish bepul.

Tashkilotchi: O‘zbekiston madaniyati va san’atini rivojlantirish jamg‘armasi.