Oskar mukofoti qoidalariga oʻzgartirishlar kiritiladi
Oʻzgarishlar 2026-yilda 98-taqdirlash marosimida kuchga kiradi.
Amerika kinoakademiyasi 2026-yilda bo‘lib o‘tadigan 98-Oskar taqdirlash marosimi uchun mukofotni topshirish qoidalaridagi muhim o‘zgarishlarni e’lon qildi.
Oʻzgarishlar quyida keltirilgan:
Barcha nomzodlarni ko‘rish shart. Endi Akademiya a’zolari yakuniy turda ovoz berishdan oldin har bir nominatsiyada nomzod bo‘lgan barcha filmlarni ko‘rishi shart. Ilgari bunday talab yo‘q edi va saylovchilar o‘zlarini vakolatli deb hisoblagan toifalardagina ovoz berishlari mumkin edi. Ushbu yangilik ovoz berish jarayonining xolisligini oshirishga qaratilgan.
Kinoda sun’iy intellekt. Akademiya filmlarda sun’iy intellektdan (AI) foydalanish bo‘yicha ham o‘z pozitsiyasiga aniqlik kiritdi. Sun’iy intellektdan foydalanilgan film avtomatik ravishda diskvalifikatsiya qilinmaydi, lekin baho berishda insonning ijodiy hissasi darajasi hisobga olinadi.
Qochoq rejissyorlarga yordam. Yangi qoidalarga ko‘ra, qochqin rejissyorlar va boshpana izlovchilar o‘zlariga boshpana bergan mamlakatlardan o‘z filmlarini taqdim etishi mumkin bo‘ladi. Bu xalqaro toifada ishtirok etish imkoniyatini kengaytiradi.
Yangi toifalar. Shuningdek, kasting va kaskadyorlikdagi yutuqlar uchun yangi mukofotlar ham taqdim etiladi.
Ushbu o‘zgarishlar Akademiyaning mukofotlarni yanada adolatli va inklyuziv boʻlishini ta’minlash orqali kino sanoatining zamonaviy voqeliklariga moslashishga sodiqligini aks ettiradi.
98-Oskar taqdirlash marosimi 2026-yil 15-mart, yakshanba kuniga rejalashtirilgan. Konan OʻBrayen yana bir bor marosimga boshlovchilik qiladi.