Milliy kino san’ati saroyida “Uyga qaytish” badiiy filmi namoyishi boshlanadi

Milliy kino san’ati saroyida (sobiq “Panorama”) “Uyga qaytish” nomli yangi badiiy filmning namoyishi boshlanadi, deya xabar bermoqda saroy matbuot xizmati.

Film uch qizning taqdir taqozosi bilan uchrashib qolishi, tasodifan katta mablag‘ni qo‘lga kiritib, shuning orqasidan turli sarguzashtlarni boshdan kechirishi va oxir-oqibat inson qadr — qimmati pul bilan o‘lchanmasligini tushunib yetishlari haqida hikoya qiladi.

Filmda bosh rollarni Asal Shodiyeva, Sitora Alimjonova hamda Feruza Yusupova ijro etgan. Rollarda Sardor Saidov, Xoliq Samadov, Oybek Teshaboyev, Azim Aymatov, Abduvali Sahiyev, Sanjar Nomozov, Otabek Sharipov, Nozim Toʻlaxoʻjayev, Sherzodbek, Sevinch Dalaboyeva, Tamara Hazratqulova, Yulduz Rajabova va Bahodir Mirmaqsudovlar kabi mahoratli ijodkorlar suratga tushgan. Ssenariy muallifi va rejissyor- Dilshoda Qosimova.

Namoyish vaqtlari quyidagicha: 11:30; 13:30; 15:30; 17:30; 19:30.

Avvalroq mazkur filmning rasmiy tizeri e’lon qilingandi.