Oʻzbekiston kinoteatrlaridagi premyeralar (13-mart)
Oʻzbekiston kinoteatrlarida 13-martdan boshlab “Чёрный чемодан — двойная игра” dramasi, “Крушение мира” fantastik filmi, “Зверопоиск” multfilmi va boshqa yangi filmlar namoyishi boshlandi.
“Чёрный чемодан — двойная игра”
Yuqori darajadagi razvedka agentlari Jorj va Ketrin ko‘p yillar davomida baxtli hayot kechirib kelgan. Ular bir-biriga oʻz ishlaridan kam bo‘lmagan darajada sodiq bo‘lib, ish va shaxsiy hayot o‘rtasida muvozanatni topishni oʻrgangan. Ammo bir kuni Jorjga Ketrin davlat darajasidagi jinoyatda asosiy gumondor ekani haqida xabar berishadi. Endi erkak kimga ko‘proq sodiqligini hal qilishi kerak — turmush o‘rtog‘igami yoki vataniga.
“Семь вуалей”
Yosh teatr rejissyori Janinga sobiq ustozining eng mashhur sahna asari — “Salomeya” operasini qayta tiklash topshiriladi. Ammo asta-sekin u o‘z o‘tmishi haqidagi xotiralarga sho‘ng‘iydi. Bu holat uning tartibli dunyosini ag‘dar-to‘ntar qilib yuborishi mumkin.
“Мелочи жизни”
1985-yil. Ko‘mir sotuvchisi va oilaparvar Bill Ferlong o‘z ishidagi eng qizg‘in mavsumga tayyorgarlik ko‘rmoqda. Rojdestvodan bir necha hafta oldin u buyurtmani mahalliy monastirga olib boradi va beixtiyor devorlar ortida sodir bo‘layotgan dahshatli voqeaning guvohi bo‘ladi. U oilasining noroziligiga qaramay, adolat izlab, jamiyatga qarshi chiqadi.
“Крушение мира”
Dunyoning eng nufuzli odamlari toʻsatdan xavf ostida qoladi. Ular birin-ketin faqat boylarga ta’sir qiladigan noma’lum virusdan vafot etishadi. Milliarderlar endi xavfli bo‘lgan pullardan jon-jahdlari bilan qutulishni boshlaydi. Oddiy odamlar yangi imkoniyatlarga dosh berolmaydi va ular ham halok bo‘ladi. Sayyora parokandalikka yuz tutadi, odatiy dunyo tartibi barbod boʻladi. Aynan shu paytda yosh mansabparast Lora juda boyib ketadi. U endi o‘zini va yaqinlarini qutqarish uchun nima bo‘layotganini tushunishi va odatiy dunyoning qulashi kimga foyda keltirishini tushunishi kerak.
“Киллер в отставке”
Iste’fodagi qotil Denni Dolinski hali ham o‘z mahoratiga ishonadi va ish beruvchilarning yangi topshirig‘idan xursand. Ammo ma’lum bo‘lishicha, Denni yosh qotil, yaxshi oʻq uzuvchi, ammo nishondan tashqari tasodifiy o‘tkinchilarni ham o‘ldiradigan Vilborg ismli yigitga yordam berishi kerak. Yangi paydo bo‘lgan juftlik raqobatdosh jinoiy sindikat yetakchisini yo‘q qilishi lozim. Ammo tez orada bu tuzoq ekanligi ma’lum bo‘ladi, raqobatchilar ularni yo‘q qilishni rejalashtirmoqda. Endi tirik qolish uchun keksa qotilning tajribasi va sherigining yoshlik g‘ayrati kerak bo‘ladi.
“Зверопоиск”
Cho‘chqa — qochib ketgan hayvonlarni tutishga ixtisoslashgan yuqori darajadagi mutaxassis. U o‘zining barcha kerakli jihozlar bilan ta’minlangan super avtomobilida butun dunyo bo‘ylab sayohat qiladi. Ammo yangi topshiriq hatto o‘z ishining ustasiga ham qiyinchilik tug‘diradi. U yoqimtoy va sodda fil Pikulyani tutishi kerak.
“Переспать, выйти замуж, убить”
Yeva uch xil erkak bilan uchrashadi. Qiz ulardan qaysi biri bilan faqat bir kechalik jinsiy aloqa bo‘lishini, kimga turmushga chiqishi kerakligini va uni o‘ldirmoqchi bo‘lgan qotil kim ekanini aniqlashga harakat qiladi.
“Опус”
Yosh jurnalistni o‘ttiz yil oldin sirli sharoitda g‘oyib bo‘lgan afsonaviy pop-ijrochining chekka joydagi uyiga taklif qilishadi. Yulduzning muxlislari va mast mehmonlar tomonidan qurshab olingan qiz uning ayyorona rejasining markazida ekanini tezda tushunadi.
“Ужасающие”
1993-yil. Yosh amerikalik Liza XVI asrda chizilgan va qurum qatlami bilan qoplangan rasmini restavratsiya qilish uchun Italiyadagi shaharchaga keladi. Qiz surat bo‘laklarini qanchalik ko‘p ochsa, dahshatli ko‘rinishlar uni shunchalik ko‘p qiynay boshlaydi. Bu vaqtda Liza avtobusda tanishgan zoolog vatandoshlari o‘g‘irlab ketiladi va dahshatli quduq yonidagi qafaslarga qamaladi.