2025-yil mart oyida uyda tomosha qilish mumkin bo‘lgan yangi film va seriallar
Bu oyda tomoshabinlarni Aka-uka Russolar va Gay Richining yangi loyihalari, Daredevil reenkarnatsiyasi, Spanj Bob spin-offi va boshqalar kutmoqda.
Tashqarida goh quyosh, goh qor bo‘lsa-da, ko‘chaga chiqish istagi hali ham so‘roq ostida qolmoqda. Bu issiq oʻringa joylashish va yaxshi film yoki serialni tomosha qilishning ayni vaqti. Ammo har bir platforma tomoshabinni shov-shuvli premyeralar bilan jalb qilishga urinayotgan bu kontent ummonida qanday tanlov qilish kerak? Xavotir olmang, biz siz uchun mart oyining eng qiziqarli yangiliklari ro‘yxatini tuzdik. Bu oyda tomoshabinlarni aka-uka Russolar va Gay Richining yangi loyihalari, Daredevil reinkarnatsiyasi, Spanj Bobdan spin-off va boshqalar kutmoqda.
Filmlar
“Шелдон Планктон: Фильм”
Plankton: The Movie
Janr: multfilm, musiqiy, fentezi, komediya, sarguzasht, oilaviy.
Premyera sanasi: 7-mart kuni Netflix platformasida.
Birinchidan, ma’lum bo‘lishicha, Planktonning ismi Sheldon ekan. Ikkinchidan, agar siz har doim Spanj Bobni emas, balki krabsburger retseptini o‘g‘irlashni va shu bilan birga dunyo ustidan hukmronlik qilishni orzu qiladigan mitti antagonistning tarafini olgan boʻlsangiz, demak, yulduzli onlaringiz keldi. Nihoyat, Plankton o‘zining shaxsiy filmiga ega bo‘ldi va u, aftidan, barcha muvaffaqiyatsizliklaridan ko‘ra epik chiqqan.
Sinopsis: Plankton Sheldon ko‘p yillar davomida sayyorani zabt etishni orzu qilgan, ammo uning dunyoga hukmronlik qilish rejasi amalga oshmagan. Bundan tashqari, uning rafiqasi Karen bilan munosabatlari yomonlashdi. Endi g‘azablangan turmush o‘rtog‘i ishlarni o‘z qo‘liga olishga va dunyoni mustaqil ravishda bo‘ysundirishga qaror qildi. Planktonning esa Spanj Bobdan yordam so‘rashdan boshqa iloji qolmadi.
“О'Десса”
OʻDessa
Janr: myuzikl, drama, musiqiy.
Premyera sanasi: 13-mart kuni Hulu platformasida.
Agar sizga noodatiy musiqiy filmlar yetishmayotgan bo‘lsa, “О'Десса"ni — Sedi Sink (“Gʻalati ishlar”) bosh rolni o‘ynagan post-apokalipsis anturajidagi fantastik rok-operani, albatta, ko‘rish kerak. Film 80-yillardagi his-tuyg‘ular, absurd va nostalgik kayfiyatga to‘la haqiqiy sarguzashtni taqdim etishga va’da qilmoqda.
Sinopsis: O‘Dessa fermadagi oddiy qiz, lekin uning ovozi ajoyib. Otasi aytganidek, zulmatni haydashga qodir ovoz. Bir kuni u oilaviy merosni qaytarib olish uchun xavf-xatarga to‘la sarguzashtga otlanadi. U o‘z muhabbatini uchratadigan g‘alati shaharga tushib qoladi. Sevgilisining ruhini qutqarish uchun qiz o‘z qo‘shig‘ining kuchidan foydalanishi kerak.
“Электрический штат”
The Electric State
Janr: fantastika, jangari, drama, komediya, sarguzasht.
Premyera sanasi: 14-mart kuni Netflix platformasida.
Aka-uka Russolar yangi loyihaga qo‘l urganida, darhol “Цитадель” va “Серый человек"dan tashqari, masshtabliroq narsani kutish mumkin. “Электрический штат” atmosferasi — “Бегущий по лезвию” va “Безумный Макс” qorishmasini eslatadi, faqat katta robotlar ishtirokida. Umuman olganda, agar sizga texnologiyalar ishonchsiz boʻlgan, odamlar esa undan ham yomon ekanini koʻrsatadigan fantastik dunyolar yoqsa, 14-martni kutish mumkin. Bosh rollarda, aftidan, Netflix bilan umrbod shartnoma imzolagan Milli Bobbi Braun va Kris Pratt.
Sinopsis: Yetim qolgan qiz sariq oʻyinchoq robot va gʻalati drifter bilan birga oʻz ukasini topish uchun yoʻlga chiqadi.
“Холланд, Мичиган”
Holland
Janr: triller.
Premyera sanasi: 27-mart kuni Prime Video platformasida.
Nikol Kidman bosh rolni o‘ynagan film nuar, triller va qora komediya aralashmasi boʻlib, xuddi kimdir “Desperate Housewives” serialini ortiqcha narsalarsiz filmga aylantirishga harakat qilganga oʻxshaydi. Shunday ekan, agar dahshatli sirlarga ega sokin shaharchalarni, o‘lim o‘yiniga aylanadigan oilaviy dramalarni yoqtirsangiz ushbu kinokartina ideal variant.
Sinopsis: o‘qituvchi Nensi Vandergrut Michigan shtatidagi lolalarga burkangan Holand shaharchasida yashovchi namunali rafiqa va ona. Ammo Nensi oftalmolog eri Fred undan nimanidir yashirayotganini sezganda, bu ajoyib hayot barbod bo‘ladi. Xiyonat? Yoki hammasi bunchalik oddiy emasmi? U hamkasbi Deyv bilan haqiqatni aniqlashga harakat qilmoqda, biroq uning o‘tmishida ham sir yashiringan…
Seriallar
“Сорвиголова: Рожденный заново”
Daredevil: Born Again
Janr: fantastika, fentezi, jangari, triller, drama, jinoiy, sarguzasht.
Premyera sanasi: 4-mart kuni Disney+ platformasida.
Marvelning muqaddas vaqt chiziqlari oʻziga kelmoqda. Superqahramonlar ishtirokidagi komediyalar, animatsion multseriallar va shoular bilan o‘tkazilgan barcha tajribalardan so‘ng, nihoyat qizil “M” haqiqatan ham munosib ish qilishga qaror qildi. Charli Koks Mett Myordok qiyofasida o‘zining qadrdon serialiga qaytmoqda. Kingpin rolidagi d’Onofrio ham o‘z o‘rnida. Shuni yodda tutish kerakki, “Рождённый заново” Netflix mashhur serialining davomi hisoblanadi. Shuning uchun avval asl loyihani ko‘rgan ma’qul.
Sinopsis: Mett Myordok shunchaki aybsizlarni himoya qiluvchi advokat. Kechasi esa u “qo‘rqmas odam"ga, jinoyatchilikka qarshi yanada keskin usullar bilan kurashadigan umidsiz Daredevil’ga aylanadi. Bir paytlar u ko‘rish qobiliyatini yo‘qotgan, ammo noyob eshitish va sezgirlik qobiliyatiga ega bo‘lgan. Shu tufayli u fazoda hatto ko‘zi ochiq dushmanlaridan ham yaxshiroq mo‘ljal oladi. Uning asosiy raqibi siyosatchi Uilson Fisk boʻlib, u ham jamoatchilikdan o‘zining ikkinchi “men"ini yashiradi. Jinoyat olami uni Fishni Kingpin laqabli shafqatsiz mafiya boshlig‘i sifatida biladi.
“Алая река” (mini-serial)
Long Bright River
Janr: triller, drama.
Premyera sanasi: 13-mart kuni Peacock platformasida.
“True Detective” serialini takrorlashga harakat qilmagan, ammo jinoyatchilikka qarshi kurashuvchilarning hayoti haqida g‘amgin va illyuziyalarsiz hikoya qiluvchi politsiyachilar haqidagi drama koʻrish istagida boʻlganlar uchun ayni muddao.
“Алая река” bu shartlarga toʻgʻri keladi. Serial Liz Murning xuddi shu nomdagi romaniga asoslangan bo‘lib, bosh rolni Amanda Sayfred ijro etgan.
Sinopsis: Filadelfiyada Opioid epidemiyasi davri. Ko‘chalarda bir-biriga o‘xshamagan ikki opa-singil uysiz va giyohvand Keysi hamda politsiyachi Miki yuradi. Qizlar anchadan beri muloqot qilmay qo‘ygan, ammo ko‘chalar va darvozalar yonida fohishalarning jasadlari topilishni boshlaganida, Miki Keysini topishga va qanday bo‘lmasin qotilni to‘xtatishga qaror qiladi.
“Подросток” (mini-serial)
Adolescence
Janr: detektiv, drama, triller.
Premyera sanasi: 13-mart kuni Netflix platformasida.
O‘smirlik muammolari turlicha bo‘ladi: asabni nazorat qilish, birinchi muhabbat, husnbuzarlar… ammo dahshatli qotillik bilan bog‘liq yangiliklar sarlavhalarida to‘satdan ismingiz paydo bo‘lsa, bu endi “muammoli yosh"ning butunlay boshqa darajasi. Netflix o‘smirlarning shafqatsizligini mikroskop ostida tahlil qiladigan dahshatli, shiddatli jinoiy mini-serialni suratga oldi.
Sinopsis: Oʻn uch yoshli Jeymi Miller sinfdoshini oʻldirishda gumonlanib hibsga olindi. Uning oilasi vahima ichida, tergovchilar esa aslida nima boʻlganini aniqlashga harakat qilmoqda.
“Нарковоры”
Dope Thief
Janr: drama, jinoiy.
Premyera sanasi: 14-mart kuni Apple TV+ platformasida.
Barcha buyuk jinoiy voqealar bitta ahmoqona, ammo jozibali g‘oyadan boshlanadi. Kimdadir bu “keling, kazinolarni o‘maraylik” boʻlsa, “Нарковоры” qahramonlarida yanada oddiyroq, “keling, o‘zimizni Giyohvand moddalarga qarshi kurash boshqarmasining agentlari qilib ko‘rsatib, giyohvand moddalar sotuvchilarini o‘maraylik” gʻoyasidan start oladi. Nazariya boʻyicha ideal reja. Amalda-chi? Serialni ko‘rib bilib olish mumkin.
Sinopsis: Filadelfiyadagi eng yaqin do‘stlar shahar chekkasidagi uyni o‘g‘irlashni rejalashtirmoqda. Tish-tirnog‘igacha qurollangan va Giyohvand moddalarga qarshi kurash boshqarmasi agentlari kiyimini kiygan holda ular o‘z rejalari mukammal ekaniga ishonadi. Biroq ular tasodifan noto‘g‘ri uyga kirib, u yerda Sharqiy qirg‘oqdagi eng yirik taqiqlangan moddalar uchun tranzit tugunini topganida, hamma narsa chalkashib ketadi. Oson daromad o‘rniga ularni halokatli ta’qib kutmoqda: shafqatsiz narkokartel jinoiy juftlikni ta’qib qilishni boshlaydi.
“Хорошая американская семья” (mini-serial)
Good American Family
Janr: drama.
Premyera sanasi: 19-mart kuni Hulu platformasida.
Siz “namunali” oilani kuzata turib, yopiq eshiklar ortida nimalar sodir bo‘lishi haqida o‘ylab ko‘rganmisiz? Agar shunday bo‘lsa, Hulu taqdim etayotgan vaziyat tanish hisoblanadi. Serial bir paytlar Amerika ommaviy axborot vositalarini portlatib yuborgan real voqealarga asoslangan. Shunday qilib, agar sizga haqiqat har qanday uydirmadan ko‘ra g‘alati tuyuladigan hikoyalar yoqsa, “Хорошая американская семья” hordiq chiqarish uchun yaxshi variant boʻla oladi.
Sinopsis: Kristina va Maykl Barnett kamdan-kam uchraydigan pakanalik kasaliga chalingan qizaloq — Natalya Greysni vasiylikka oladi. Er-xotin uchta biologik farzandi bilan birgalikda shartsiz sevgi va xavfsizlik muhitida baxtli oila qurishga harakat qiladi. Biroq asta-sekin Natalyaning o‘tmishidan uning yoshini shubha ostiga qo‘yadigan xavotirli faktlar paydo bo‘la boshlaydi.
“Убийство в Белом доме”
The Residence
Janr: detektiv, komediya.
Premyera sanasi: 20-mart kuni Netflix platformasida.
Whodunnit-binodagi detektiv. Netflix surishtiruv faoliyatini siyosiy triller va qora komediya elementlari bilan qorishtirishga va’da bermoqda. “Достать ножи"ga o‘xshash, ammo prezidentlik miqyosidagi serial boʻlishi kutilmoqda.
Sinopsis: dunyodagi eng mashhur koshonada o‘tkazilgan muhim davlat darajasidagi kechki ovqat paytida jasad topiladi. Hikoya klassik detektivga o‘xshaydi: gumonlanuvchilarning har biri sodir bo‘lgan voqea boʻyicha o‘z talqinini aytib berishni boshlaydi va Kapp Oq uy xodimlari o‘rtasidagi ziddiyatlar haqida xulosalar chiqaradi.
“Киностудия”
The Studio
Janr: komediya.
Premyera sanasi: 26-mart kuni Apple TV+ platformasida.
Kino sanoatining narigi tomoni haqidagi satirik komediya bu yil striming platformalaridan eng koʻp kutilgan loyihalardan biri hisoblanadi. Bosh rolni Set Rogen oʻynagan, hatto Martin Skorsezening komeosini ham koʻrish mumkin. Shuningdek, hikoyani boshqacha usulda koʻrsatish va’da qilinmoqda, unda epizodlar uzun dubllardan iborat bo‘ladi. “Медведь” seriali bunga otashin salom yoʻllamoqda.
Sinopsis: so‘nib borayotgan Gollivud studiyasi rahbari pandemiyadan keyingi, striminglar hukmron bo‘lgan va muhim ijtimoiy o‘zgarishlar doimiy ravishda sodir bo‘layotgan davrda qanday qilib omon qolish rejasini tuzishga harakat qilmoqda.
“Гангстерленд”
MobLand
Janr: drama, jinoyat.
Premyera sanasi: 30-mart kuni Paramount+ platformasida.
Agar siz Londonda hamma narsa tinch va tartibli deb o‘ylagan bo‘lsangiz, jinoiy hikoyalar ustasi Gay Richi bu illyuziyalarni yo‘q qilishga tayyor. Maestro yangi loyiha bilan qaytmoqda, unda Pirs Brosnan, Xelen Mirren va Tom Xardi London jinoyat olamiga sho‘ng‘iydi.
Sinopsis: ikki dushman oila, Xarriganlar va Stivensonlar Londonning jinoyat olamida hokimiyat uchun kurash olib boradi. Konrad Xarrigan va uning rafiqasi Mev o‘z imperiyasi ustidan nazoratni saqlab qolishga harakat qiladi, tashqaridan ham, oilaning ichida ham qiyinchiliklarga duch keladi. Xarizmatik “hal qiluvchi” Garri da Souza sodiqlik va omon qolish o‘rtasidagi muvozanatni saqlab, bu mojaroga aralashib qoladi.
