"Interstellar" Toshkentdagi IMAX'da yana namoyish etiladi

“Interstellar” filmi Toshkentdagi “Cinematica” kinoteatrining IMAX kinozalida yana namoyish etiladi. Syujetga ko‘ra, tadqiqotchilar jamoasi insoniyat tarixidagi eng muhim missiyani o‘z zimmasiga oladi — galaktikadan tashqarida sayohat qilib, insoniyatning yulduzlar orasida kelajagi bor yoki yo‘qligini aniqlash.

Filmning O‘zbekistonda premyerasi 2014-yil 6-noyabrda bo‘lib o‘tgan. Oʻsha kundan oʻn yildan koʻproq vaqt oʻtgach, film yana “Cinematica” kinoteatrida 30-yanvardan 5-fevralgacha namoyish etiladi. Film tili — rus.

Film tavsifi: Qurg‘oqchilik, chang bo‘ronlari va o‘simliklarning yo‘qolishi insoniyatni oziq-ovqat inqiroziga olib kelganida, tadqiqotchilar va olimlar jamoasi insonning kosmik sayohatlari uchun oldingi cheklovlarni aylanib o‘tish va insoniyat uchun qulay sharoitlarga ega sayyorani topish uchun koinotga sayohat qiladi.

Filmda bosh rollarni Metyu Makkonahi, Enn Xeteuey, Jessika Chesteyn, Makkenzi Foy, Maykl Keyn, Devid Jessi, Ues Bentli, Keysi Afflek, Jon Litgou, Mett Deymon ijro etgan.