Eng mashhur 5 ta turk aktrisasi
Go‘zallik, iste’dod, yorqin obrazlarga kirishish mahorati, reklama shartnomalari va, albatta, shov-shuvli ishqiy mojarolar — turk aktrisalari allaqachon nafaqat o‘z Vatanlarida, balki xalqaro miqyosda ham sevimli yulduzlarga aylanishgan. Ular eng sara seriallarda porlab, millionlab muxlislarni o‘zlariga jalb qilishadi. Turkiyaning eng mashhur aktrisalaridan besh nafarini taqdim etamiz.
5-o‘rin: Neslihan Atagul
Neslihan o‘smirlik chog‘idanoq shuhrat sari ishonch bilan intilgan. Uning yo‘li reklamadan boshlangan, keyinchalik u kino va seriallarda suratga tusha boshlagan. Birinchi katta muvaffaqiyatni “Ishq sohili” seriali olib kelgan. Bu serialda u bosh rolni ijro etib, kelajakdagi turmush o‘rtog‘i Kadir Dog‘ulu bilan tanishgan.
Neslihanga jahon shuhratini “Sevgi iztirobi” seriali keltirdi — bu shunday keskin syujetli drama ediki, unda aktrisa o‘zini to‘liq namoyon etdi. Bu roldan so‘ng u Turkiyadan ancha uzoqlarda ham tanila boshladi. Bir necha yil oldin sog‘liq muammolari sababli aktrisa karyerasida tanaffus olgan bo‘lsa-da, muxlislari uning qaytishini sabrsizlik bilan kutmoqda. Hozirda Neslihan oilaviy hayotdan zavqlanib, ona bo‘lishga tayyorgarlik ko‘rmoqda.
4-o‘rin: Fahriye Evchen
Fahriye Turkiyaning eng ko‘p muhokama qilinadigan aktrisalaridan biri hisoblanadi. Uning karyerasidagi haqiqiy yutuq “Choliqushi” seriali bilan yuz berdi, bu serialda u Burak Oʻzchivit bilan birga bosh rolni ijro etgan edi. Ekrandagi sevgi asta-sekin real hayotga ko‘chib o‘tdi va hozirda ular ikki o‘g‘il farzandni tarbiyalamoqda.
Fehriye suratga tushishni vaqtincha to‘xtatgan bo‘lsa-da, uning ziyofatlardagi goʻzal ko‘rinishlari va Burak bilan oilaviy suratlari hamon e’tibor markazida qolmoqda. Reklama beruvchilar esa uni o‘z loyihalariga faol taklif etishni davom ettirmoqda.
3-oʻrin: Afra Sarachoʻgʻlu
Bugungi kunda yosh va istiqbolli aktrisa Afra Sarachoʻg‘li turk ekranining eng yorqin yulduzlaridan biriga aylangan. Uning jahon miqyosidagi shuhrati bir necha mavsumdan beri reytinglar cho‘qqisida turgan “Qoʻrgʻon sirlari” seriali tufayli yanada mustahkamlanib bormoqda.
Afra bundan oldin ham mashhur boʻlgan: “Fazilet xonim va uning qizlari” serialidagi roli hamda yirik reklama kampaniyalarida ishtiroki uni taniqli qilgan edi. Xarizmasi va iste’dodi tomoshabinlar e’tiborini ushlab turishga yordam beradi, muxlislari esa uning yulduzi yana ko‘p yillar davomida porlab turishiga ishonishadi.
2-o‘rin: Meryem Uzerli
Meryem Uzerli — ismini bilmaslik qiyin. Uning “Muhtasham yuzyil” serialidagi Hurram Sulton obrazi shunchaki bir personaj emas, balki haqiqiy afsonaga aylandi. Aynan shu rol unga butun dunyo tomoshabinlarining muhabbatini keltirdi va hozirgacha uning ismi ushbu mashhur loyiha bilan bog‘liq assotsiatsiyalarni uyg‘otadi.
Loyihani tark etgach, aktrisaning karyerasi biroz toʻxtadi, ammo soʻnggi yillarda Meryem yana ekranlarga qaytdi. Hozirda u “Shakir posho” tarixiy serialida suratg tushmoqda, shuningdek, restoran oshxonasi bilan bogʻliq “Ru” loyihasida ham ishlagan.
1-o‘rin: Hande Erchel
Bu ro‘yxatning yetakchisi, shubhasiz, Hande Erchel hisoblanadi. Hozirgi kunda u Turkiyaning eng mashhur media shaxsidir. Uning nomi nafaqat Vatanida, balki butun dunyoda tanilgan.
Hande o‘zining birinchi yirik rolini “Gyunesh qizlari” serialida ijro etgan va shundan so‘ng karyerasi tez sur’atda yuqoriga ko‘tarila boshladi. U Kerem Bursin bilan suratga tushgan “Eshigimni qoq” loyihasi haqiqiy sensatsiyaga aylandi. Ularning ekrandagi va hayotdagi juftligi serial namoyishi davomida eng ko‘p muhokama qilinadigan mavzu boʻlgan.
Hozirda aktrisa faoliyatida tanaffus qilayotgan bo‘lsa-da, reklamalarda suratga tushishni va hamda kino tadbirlarida ishtirok etishni davom ettirmoqda. Uning hayoti hamon matbuot va muxlislarning e’tibor markazida. Aktrisa bilan ko‘p milliardli imperiya vorisi Hakan Sabanjining sevgi munosabatlari jamoatchilik qiziqishini yanada kuchaytirmoqda.