Mister Bin, Jonni Inglish, komissar Megre: Rouen Atkinson ishtirokidagi filmlar
Rouen Atkinson yaratgan Mister Bin obrazi shu darajada mashhurlikka erishganki, koʻpchilik uning haqiqiy ismini bilmaydi. Ashaddiy muxlislari ham uni Bin deya ataydi. Ammo aktyor oʻz mahoratini namoyish etgan bir qator boshqa rollar ham mavjud. Bugun, 6-yanvar kuni afsonaviy aktyor 70 yoshga toʻldi.
Afisha.uz ushbu kun munosabati bilan Rouen Atkinsonning e’tiborga molik rollarini bir yerga jamladi.
“Rat Race”
Oʻzbek televideniyesida koʻp bora namoyish etilgan ushbu film oʻzbek tiliga “Antiqa poyga” deya tarjima qilingan. Kinokartinada Rouen Atkinsonning ajoyib ijrosidan tashqari qiziqarli syujetni ham koʻrish mumkin.
Las-Vegasdagi eng yirik kazino egasi o‘zining badavlat mijozlari uchun oʻyin tashkil etadi. Ular uchun yashirin “Kalamushlar poygasi"ni tayyorlaydi. Poyga ishtirokchilari koʻpchilik orasidan tanlangan oddiy odamlar. Ular boyib ketish imkoniga ega bo‘lishadi. Las-Vegasdan Silver-Siti shaharchasiga birinchi bo‘lib yetib kelgan odam 2 million dollarning egasiga aylanadi. Poygachilarning hech biri kuzatuv ostida ekanini bilmaydi.
“Love Actually”
Yangi yil bayrami oldidan koʻriladigan filmlar qatorida eslanadigan “Love Actually” filmida Rouen Atkinson ham kichik rolni ijro etgan. Ammo u butun film davomida ikki yoki uch bor kadrda koʻrinsa ham voqealar rivojiga katta ta’sir koʻrsatadi.
Sevgi unutilmas, nazokatli va tengsiz tuygʻu hisoblanadi. Muhabbat chindan ham hamma narsani boshqaradi. O‘z xodimiga oshiq bo‘lib qolgan bosh vazirdan tortib, singan qalbinining yaralari bitishi uchun Fransiya janubiga qochib ketgan yozuvchigacha.
“Johnny English” trilogiyasi
Agent Jonni Inglish haqidagi trilogiya oʻzbek teletomoshabinlari uchun sevimli boʻlgan filmlar qatoriga kiradi. Kinokartinalarning ilk qismi 2003-yilda, ikkinchisi esa 2011-yilda, yakuniy film esa 2018-yilda premyera qilingan.
Filmlar syujetiga koʻra, omadsiz detektiv Jonni Inglish xalqaro jinoyatlarni fosh qilish bilan shugʻullanadi.
“Maigret”
Komissar Jyul Megre — Jorj Simenonning mashhur detektiv romanlari va hikoyalari qahramoni boʻlib, dono politsiyachi hisoblanadi. Toʻgʻri, Megreni Sherlok Xolms yoki Erkyul Puaro kabi detektivlar qatoriga qoʻshish qiyin. Lekin bu Rouen Atkinsonning ijrosidan bahramand boʻlish imkoniyatini yoʻqqa chiqarmaydi.
Kinokartinada 1950-yillarda Fransiyada boʻlib oʻtgan voqealar tasvirlanadi.
“Maigret In Montmartre”
Rouen Atkinson Megre personaji haqidagi kitoblarni katta qiziqish bilan oʻqishini va ularning muxlisi ekanini ta’kidlaydi. Shu sababdan komissar haqida yana bir nechta filmlar suratga olinadi.
Megre grafinya va raqqosaning tasodifiy qotilliklarini tekshiradi va Nitssadagi Grand mehmonxonasida ularning o‘tmishi bilan bog‘laydigan mudhish sirni oshkor qiladi.
“Maigret's Night at Crossroads”
2017-yilda detektiv filmning chekka qishloqda sodir bo‘lgan qotillik, yolg‘on va ochko‘zlik haqida murakkab hikoya hisoblanadi. Bunda ham Atkinson oʻziga xos ijrosini namoyish etadi.
Syujetga koʻra, olmos savdosi bilan shugʻullanuvchi yahudiy Isaak Goldberg Parij tashqarisidagi “Uch beva chorrahasi” deb nomlanuvchi joyda o‘ldirilishi haqida hikoya qiladi.
“Man vs Bee”
“Man vs Bee” — Rouen Atkinson va Uilyam Devis tomonidan yaratilgan britan komedik seriali hisoblanadi. Serial Netflix striming xizmatida 2022-yil 24-iyunda premyera qilingan.
Ishsiz qolgan ota Trevor Bingli (Rouen Atkinson) yosh er-xotinning qimmatbaho san’at asarlari saqlanadigan uyiga qorovullik qilish uchun keladi. Uyga Trevor bilan birga ari ham kirib oladi va ular oʻrtasida kurash boshlanadi.
Bonus: Olimpiada ochilish marosimidagi chiqish
London shahrida 2012-yilda yozgi Olimpiada oʻyinlari boʻlib oʻtadi. Ochilish marosimida Buyuk Britaniya ramzlariga aylangan personajlar ishtirok etadi. Jumladan, Rouen Atkinson ham barcha uchun tanish boʻlgan Mister Bin obrazida koʻrinish beradi.
