Oʻzbekiston kinoteatrlaridagi premyeralar (5-dekabr)
Oʻzbekiston kinoteatrlarida 5-dekabrdan Jeki Chan ishtirokidagi “Операция “Панда” komediyasi, BTS RM haqidagi hujjatli film, IMAX’dagi “Interstellar” va boshqa filmlar namoyishi boshlandi.
“Операция “Панда”
Xalqaro kung-fu yulduzi Jeki ulkan panda bolasi Xu Xuni vasiylikka oladi. Bu jonzotning koʻzlari gʻayrioddiy boʻlgani sababli, noyob genni olishga intilgan xalqaro jinoiy sindikati Xu Xuni qoʻlga olish uchun mukofot e’lon qiladi. Jeki bundan chetda qolmaydi va yovuz odamlar bilan toʻqnash keladi.
“Маша и Медведь в кино: Парк чудес”
Masha, Dasha va Ayiq yangi qiziqarli sarguzasht uchun Ajoyibotlar bog‘iga yo‘l oladi, bu yerda ularni ajoyib attraksionlar va aql bovar qilmaydigan uchrashuvlarga to‘la kun kutmoqda. Dasha shouda ishtirok etishni juda xohlaydi, shuning uchun u parkning barcha kvestlarida g‘alaba qozonishni maqsad qilgan, Masha shunchaki koʻproq xursandchilik qilishni istaydi, Ayiq esa o‘zining “aqlli” fotoapparatini sinab ko‘rishga jiddiy qaror qiladi. Ammo hammasi ularning rejasi boʻyicha ketmaydi. Bog‘da Masha masxarabozlar oilasi bilan do‘stlashadi va ulardan biriga oʻziga boʻlgan ishonch hissini tuyishga hamda azaliy orzusini amalga oshirishga yordam beradi, mehribonlik va qo‘llab-quvvatlash mo‘jizalar yaratishi mumkinligini isbotlaydi.
“Мое собачье дело”
Daydi it ko‘chada tug‘ilgan va unda yashab qolishni, jumladan, sosiska o‘g‘irlashni, podyezdlarda isinishni va do‘stlar orttirishni o‘rgangan. Bir kuni u yovuz sotuvchidan qochib, chuqur o‘raga tushib qoladi va chiqa olmaydi. Uni keksa va yolg‘iz Mixail qutqaradi, uning oilasi chol bilan muloqot qilishni xohlamaydi. Mixal itga Styopka degan laqabni beradi. Mixail bilan Styopka yolg‘iz qolmaslik uchun bir-birlarini topganga oʻxshaydi, lekin chol itni uyga olib kelgan vaqtda ahvoli yomonlashadi. Styopkada yordam chaqirishi va xoʻjayinining hayotini saqlab qolishi uchun juda kam vaqt bor. Uni esa hech kim tushunmaydi.
“Безмолвное братство”
FQB agenti portlashlar, talonchiliklar va shafqatsiz qotilliklar boʻyicha tergovlarni boshlaydi. Tez orada unga bu jinoyatlar zanjiri ortida AQSH hukumatiga urush e’lon qilmoqchi bo‘lgan shafqatsiz rahbar boshchiligidagi guruh turganligi ma’lum bo‘ladi.
“RM: Right People, Wrong Place”
Hujjatli film BTS rahbari RMning “Right Place, Wrong Person” deb nomlangan ikkinchi yakkaxon albomini yaratish jarayoni haqida hikoya qiladi. Filmda 20 yoshli Kim Namjunning majburiy harbiy xizmatdan oldin o‘tkazgan so‘nggi yillari tasvirlangan bo‘lib, tomoshabinlarga uning shaxsiy hayotiga nazar tashlash imkoni beriladi.
“Заклятье. Обитель дьявола”
Homiladorlikning so‘nggi muddatlarida Mariya erining shahar tashqarisidagi uyiga keladi. U yerda bola uchun shinam maskan qurishni niyat qiladi. Mariya elektr shitini tekshirish uchun podvalga tushadi va dahshatli oilaviy sir yashirilgan xonani topadi. Mariya vahimaga tushib, shaharga qaytishga harakat qiladi, lekin mashinasining kalitlari yo‘qolganini bilib qoladi. Qorong‘i tushadi, Mariya oʻzining va farzandining hayoti uchun kurashishni boshlaydi.
“Interstellar”
Insoniyatning Yerdagi vaqti nihoyasiga yetdi, tadqiqotchilar jamoasi insoniyat tarixidagi eng muhim missiyani o‘z zimmasiga oladi. Galaktikadan tashqariga sayohat qilib, insoniyatning yulduzlar orasida kelajagi bormi yoki yo‘qligini aniqlash kerak.