2024-yil dekabr oyida uyda tomosha qilish mumkin bo‘lgan yangi film va seriallar
Sovgʻalar uchun kurashlar boʻlayotgan gavjum savdo markazlarini unutishga harakat qilib ko‘ring va asosiy intrigalar do‘konlardagi navbat emas, balki syujet burilishlari bo‘lgan dunyoga o‘ting. Josuslik trillerlaridan tortib, sehrli olamlargacha, jinoiy va romantik komediyalardan tortib, qiziqarli multfilmlargacha — dekabr oyi jamlanmasi sizga ko‘plab hissiyotlar va bayram dasturxonida muhokama qilish uchun yangi mavzularni taqdim etadi.
Filmlar
“Присяжный номер два”
Juror #2
Janr: triller.
Premyera sanasi: 3-dekabr kuni Apple TV+ va Prime Video platformalarida.
“Присяжный номер два” — Klint Istvudning bosh rolni Nikolas Xoult ijro etgan yangi filmi. Ulug‘ va sevimli bobomiz Klint Istvudning 94 yoshga kirganini hisobga olsak, bu filmning qiymati yanada oshadi. Ushbu rejissyor haqiqatan ham yaxshi filmlar suratga olishni biladi. Loyiha tanqidchilarning ijobiy baholarini oldi, ular keskin syujet va bosh qahramonning chuqur ichki dilemmasini ta’kidladi. Kinokartina Rotten Tomatoes saytida 127 ta sharh asosida 93% reyting toʻplagan.
Sinopsis: sud maslahatchisi Jastin Kemp qotillik ishini ko‘rib chiqishda ishtirok etadi. Jarayon davomida u jabrlanuvchining o‘limiga o‘zi aybdor ekanligini tushunadi va tanlov oldida qoladi: hamma narsaga iqror bo‘lish yoki o‘z manfaatlarini ko‘zlab boshqa sud hay’ati a’zolarini manipulyatsiya qilish.
“Ручная кладь”
Carry-On
Janr: jangari, triller, jinoiy, detektiv.
Premyera sanasi: 13-dekabr kuni Netflix platformasida.
Bu yerda mashhur aviachipta sotib olish xizmatining reklamasi bo‘lishi mumkin edi, lekin hozircha yoʻq. Teron Ejerton bizga aeroportdagi juda yoqimsiz vaziyat haqida yangi yil trillerini sovg‘a qiladi. Film rejissyori “Отмель” va “Неизвестный” kinolari bilan tanilgan Jauma-Kollet Serra.
Sinopsis: film voqealari Rojdestvo arafasida bo‘lib o‘tadi. Aeroport xavfsizlik xizmatining yosh xodimi Itan Kopek, uning rolini Teron Ejerton o‘ynaydi, samolyot bortiga xavfli yukni o‘tkazish uchun shantaj qilayotgan sirli sayohatchiga duch keladi. Itan ko‘plab odamlarning xavfsizligi bilan bog‘liq bo‘lgan murakkab tanlov oldida qoladi.
Seriallar
“Звездные войны: Опорная команда”
Skeleton Crew
Janr: fantastika, jangari, sarguzasht.
Premyera sanasi: 2-dekabr kuni Disney+ platformasida.
Jud Lou o‘zini Marvelda sinab ko‘rdi, endi esa uzoq galaktikaga yoʻl oldi. “Опорная команда” “Yulduzlar jangi. VI epizod: Jedayning qaytishi” (1983) filmidagi voqealardan keyin sodir bo‘ladi. Serial O‘rgimchak odam filmlari ustida ishlagan Jon Uotts va Kristofer Ford tomonidan yaratilgan. Ijrochi prodyuserlar Ketlin Kennedi, Jon Favro va Deyv Filoni bo‘lib, ular ilgari “Yulduzlar jangi” olamidagi boshqa loyihalar ustida ishlagan.
Sinopsis: syujet markazida o‘z sayyorasida muhim kashfiyot qilgan va uzoq galaktikada yo‘qolgan bir guruh o‘smirlar turadi. Ular uyga yoʻl topishni maqsad qilgan, biroq yoʻlida turli xavf-xatar va sarguzashtlarga duch keladi.
“Монстры-коммандос”
Creature Commandos
Janr: multfilm, qoʻrqinchli, fantastika, fentezi, jangari, detektiv, sarguzasht, urush.
Premyera sanasi: 5-dekabr kuni Max platformasida.
Bu yaqinda Jeyms Gann mas’ul etib tayinlangan DC olamini qayta ishga tushirish yoʻlidagi birinchi loyihadir. U shuningdek, serialning ssenariy muallifi va shouranneri hisoblanadi. “Монстры-коммандос” tomoshabinlarga animatsiya va nostandart qahramonlar prizmasi orqali superqahramonlar janriga yangicha qarashni taklif qilib, DC olamiga muhim qo‘shimcha bo‘lishini va’da qiladi. Eng muhimi, Ganning ijodiy erkinligi tugab qolmasligi va DC yana yopilib ketmasligi kerak.
Sinopsis: AQSh hukumati g‘ayrioddiy guruhni to‘playdi: Rik Flag, malika Ilana Rostovich (serial uchun maxsus yaratilgan), sehrgar Kirk, olim-amfibiya Nina Mazurskaya, android G.I. Robot, Doktor Fosfor, Laska va Frankenshteynning xotini. Jamoa juda murakkab va maxfiy vazifalarni bajarish uchun tuzilgan.
“Черные голуби”
Black Doves
Janr: jangari, triller, drama.
Premyera sanasi: 5-dekabr kuni Netflix platformasida.
Kira Naytli va Ben Uishou Netflix tomoshabinlarida katta qiziqish uyg‘otgan yangi josuslar haqidagi jangari filmda rol o‘ynadi. Bu mashhur kriminal triller “Долг/стыд” muallifi Jo Bartonning yangi loyihasi. Bundan tashqari, Netflix serialning ikkinchi mavsumini ham anons qildi. Hozirda bunday holat juda kam uchraydi.
Sinopsis: Xelen Uebb — rafiqa, ona va 10 yil davomida siyosatchi erining sirlarini “Qora kaptarlar” maxfiy tashkilotiga oshkor qilib kelgan professional josus. O‘ynashi Jeyson o‘ldirilgan paytda, Helen ham nishonga olinadi. “Qora kaptarlar” boshlig‘i o‘z agentini himoya qilish uchun Helenning oldiga eski do‘sti Semni yordamga yuboradi. Jeysonning o‘limini tergov qilar ekan, ular Londonning jinoyat olami va yaqinlashib kelayotgan geosiyosiy inqirozni bog‘lovchi keng ko‘lamli fitna haqida bilib oladilar.
“Липучка”
The Sticky
Janr: komediya, triller.
Premyera sanasi: 6-dekabr kuni Prime Video platformasida.
Kanada tarixidagi eng katta talonchilikni ko‘rishni istaysizmi? Toʻgʻri manzildasiz. “Липучка” Prime Video uchun yorqin premyera bo‘lishi aniq, tomoshabinlarga real voqealarga asoslangan jinoiy komediya va qora yumor elementlariga ega qiziqarli hikoya taqdim etiladi.
Sinopsis: kanadalik fermer ayol Rut Landri zarang sharbati ishlab chiqarish bilan shug‘ullanadi. Byurokratik to‘siqlar uning barcha narsasini tortib olish bilan tahdid qilganda, Rut keskin qadam tashlashga qaror qiladi — Kvebek chinor siropi omborini talon-taroj qilish. Bostonlik gangster va kanadalik qo‘riqchi bilan birgalikda u ko‘p millionli jinoyatni rejalashtirmoqda.
“Секретный уровень”
Secret Level
Janr: multfilm, ilmiy fantastika, fentezi, jangari, sarguzasht.
Premyera sanasi: 10-dekabr kuni Prime Video platformasida.
Geymerlar, yigʻiling! “Секретный уровень” 15 qismdan iborat antalogik animatsion serialdir. Har bir epizod mashhur video oʻyinlardan biri dunyosidan original hikoyadir. Jumladan, “Pac-Man”, “Dungeons & Dragons”, “Ghost of Tsushima”, “Sifu”, “The Outer Worlds”, “God of War”, “Warhammer 40,000” va boshqalar.
Serial “Love, Death & Robots” loyihasi bilan tanilgan Blur Studio tomonidan yaratilgan. Rejissyor Deyv Uilson, ssenariy esa Tim Miller tomonidan yozilgan. Ularning ikkalasi ham Netflixning mashhur almanaxiga aloqador. Yetarli emasmi? Dublyajda Kianu Rivz, Arnold Shvartsenegger hamda uning o‘g‘li, Kevin Xart va boshqalar ishtirok etgan.
“Студия сновидений” (mini-serial)
Dream Productions
Janr: multfilm, fentezi, drama, komediya, sarguzasht, oilaviy.
Premyera sanasi: 11-dekabr kuni Disney+ platformasida.
Xo‘sh, “Boshqotirma"ning davomi sizlarga kamlik qildimi? Uning spin-offini kutib oling. Serialni ilgari Pixar’ning koʻplab loyihalari ustida ishlagan Valeri LaPoynt va Mayk Jons boshqarmoqda, shuning uchun loyiha sifatiga shubha qilmasa ham bo‘ladi. Serial to‘rt qismdan iborat bo‘lib, har biri taxminan 25 daqiqa davom etadi.
Sinopsis: multfilm Rayli ismli qizning ongidagi studiya haqida hikoya qiladi, u yerda qizning tushlari yaratiladi. Tomoshabinlar bosh qahramonning ichki dunyosining yangi qirralarini ochib berishda his-tuyg‘ular va boshqa personajlar qanday ishlashini ko‘rish imkoniga ega bo‘ladi.
“Сто лет одиночества”
Cien Años de Soledad
Janr: fentezi, drama, tarixiy.
Premyera sanasi: 11-dekabr kuni Netflix platformasida.
Serial Gabriel Garsiya Markesning xuddi shu nomdagi romanining birinchi ekranizatsiyasi hisoblanadi. Eng qizig‘i, loyiha Netflix tomonidan Markes oilasi ko‘magida yaratilgan. Ijrochi prodyuserlar yozuvchining o‘g‘illari Rodrigo va Gonsalodir. Hammasi xuddi Tolkinlar oilasiga o‘xshab ketadi. Birinchi fasl 16 qismdan iborat bo‘lib, premyera ikki qismga bo‘linadi.
Sinopsis: Makondo shahrida Buendia oilasining yetti avlodi sevgi, unutilishsh va oʻtmishdan ham, taqdirdan ham qochib qutula olmaslik tomon intiladi.
“Декстер: Первородный грех”
Dexter: Original Sin
Janr: drama, jinoiy, detektiv.
Premyera sanasi: 13-dekabr kuni Paramount+ platfromasida.
Deksterni sogʻindingizmi? Uning o‘tmishi bilan tanishishni orzu qilasizmi? Unda “Первородный грех” aynan siz uchun. Serial voqealari 1991-yilda, asl “Dekster” voqealaridan 15 yil oldin sodir bo‘ladi. Avvalgi serialning dastlabki to‘rt mavsumi ustida ishlagan Klayd Fillips bu uchun ham ssenariynavis va shouranner hisoblanadi. Bosh rollarni Patrik Gibson va Kristian Sleyter ijro etgan.
Sinopsis: syujet o‘zining yovuz qiziqishlarini endigina anglay boshlagan yosh Dekster Morganga qaratilgan. Tutingan otasi Garri Morganning rahbarligida u o‘z impulslarini nazorat qilishni o‘rganadi va ularni odil suddan qochgan jinoyatchilarni jazolashga yo‘naltiradi.
“Уложенные”
Laid
Janr: komediya, romantika.
Premyera sanasi: 19-dekabr kuni Peacock platformasida.
“Уложенные” serialidagi voqealarga qaraganda, uni dekabr oyining eng ajoyib va g‘ayrioddiy romkomi deb atash mumkin. Bosh rolni Oskar mukofotini qoʻlga kiritgan “Все везде и сразу” filmi aktrisasi Stefani Syu ijro etgan.
Sinopsis: Serialda sirli sharoitlarda sobiq sevgan insonlari vafot eta boshlagan yosh ayol haqida hikoya qilinadi. Qahramon bu voqealarning sababini tushunish va o‘limlarni to‘xtatish uchun o‘z o‘tmishiga murojaat qilishga majbur.
“Kalamar oʻyini”
Ojingeo geim
Janr: triller, drama.
Premyera sanasi: 26-dekabr kuni Netflix platformasida.
Bechora Xvan Don-Xek. U qiziqarli konsepsiya o‘ylab topib, zamonaviy Janubiy Koreya voqealiklari haqida ajoyib drama suratga olib, katta shov-shuvga sabab bo‘ldi. Serial atrofidagi rezonansdan so‘ng, Netflix Xvanni yana ikki mavsum uchun voqealar o‘ylab topishga majbur qildi. Ikkinchi mavsum sakkiz qismdan iborat bo‘ladi.
Sinopsis: ikkinchi mavsum voqealari birinchisidan uch yil o‘tib sodir bo‘ladi. Tomoshabinlar Son Gi Xun va boshqa qahramonlar bilan nima sodir bo‘lganini bilib olishadi, shuningdek, o‘lim o‘yinlari ortida turgan sirli tashkilot bilan bog‘liq yangi sinovlar va fitnalarga duch keladi.
Seriallarning davomi:
“Virgin River” , 6-mavsum, 19-dekabrdan Netflix platformasida;
“What If” , 3-mavsum (final), 22-dekabrdan Disney+ platformasida.
