Geek Con Tashkent 2024 festivali

“Alpomish” muz saroyida Geek Con Tashkent 2024 festivali bo‘lib o‘tadi.

Geek Con Tashkent — bu gik-madaniyat muxlislari, kospleyerlar va bayram muhitiga sho‘ng‘ish istagida boʻlganlarni birlashtiradigan Comic Con festivalining analogi.

Mehmonlarni quyidagilar kutmoqda:

• toʻrt nafar xorijiy mehmon bilan uchrashuvlar;
• kospley shousi va kospleyerlar tanlovi (arizalar 15-dekabrgacha qabul qilinadi);
• merch yarmarkasi;
• oʻyin maydonchalari;
• mualliflar maydoni;
• merch doʻkoni;
• “Origin Comics” nashriyotining komikslar taqdimoti;
• kvest;
• homiylardan sovgʻalar.

Birinchi taklif qilingan mehmon Lina Ivanova. U “Overwatch” o‘yinidagi Treysi hamda “Garri Potter” filmlar seriyasidagi Germiona Greynjerga ovoz bergan. Emma Uotsondan tashqari, Vanessa Enn Xadjens, Sheylin Vudli va boshqa yulduzlar ovozini ham dublyaj qilgan. Shuningdek, u ko‘plab animatsion filmlar, seriallar va video o‘yinlar dublyajlari ustida ishlagan. Festival ishtirokchilari Lina bilan shaxsan tanishishi, qiziqarli savollarni berishi va Gollivud filmlari hamda jahon darajasidagi o‘yinlar uchun ovozlar qanday berilishini bilishlari mumkin.

Ikkinchi taklif qilingan mehmon rossiyalik dublyaj aktyori va rejissyori Ivan Jarkov. Uning ovozini Marvel kinoolamidagi Tor, “Assassin's Creed: Rogue” filmidagi Shey Patrik Kormak, “Extraction” filmidagi Tayler Reyk, “KGF” filmidagi Rokki personajlari orqali eshitish mumkin. Ivan, shuningdek, “Men in Black International,” “Wrath of Man” va boshqa filmlardagi qahramonlarga ovoz bergan.

Geek Con Tashkent 2024 festivaliga tashrif buyuruvchilar Ivan Jarkov bilan uchrashishi, uning dublyaj olamidagi faoliyati bilan tanishishi va oʻzini qiziqtirgan savollarni berish imkoniyatiga ega bo‘ladi.

Chipta narxi 150 000 soʻm.
Chiptalarni tcats.uz sayti orqali xarid qilish mumkin.