Oʻzbek kinosi 100 yoshda: yosh kinochilardan film tavsiyalari
Bundan 100 yil oldin 1924-yilda oʻzbek kinosiga tamal toshi qoʻyilgan. Unda ilk oʻzbek kinooperatori Xudoybergan Devonov “Oʻrta Osiyo meʼmoriy yodgorliklari”, “Turkiston koʻrinishlari”, “Xiva va xivaliklar” kabi qisqa filmlar ishlagan.
Yuz yillik tarixga ega oʻzbek kinosini tanqid qiladiganlar ham, maqtaydiganlar ham koʻplab topiladi. Shunga qaramay, 100 yildan beri muxlislar ekranda “oʻzbek” obrazini, uning dardlari, quvonchi, yutuqlari-yu, kamchiliklarini koʻrib kelmoqda.
Oʻzbek kinosini kuzatish asnosida “Sen yetim emassan"ni koʻrib, XX asrning eng katta fojialaridan biri boʻlgan Ikkinchi jahon urushida oʻzbeklar oʻzini qanday tutganini, yaqinda premyera qilingan “Pandemiya"ni koʻrish orqali esa XXI asrdagi koronavirus muammosiga qarshi qanday kurashilganini kuzatish mumkin.
“Shum bola” filmini koʻrib, oʻzbek farzandi duch kelishi mumkin boʻlgan muammolarning guvohi boʻlsangiz, “Vatan"ni koʻrib umrining katta qismi ortda qolgan cholning soʻnggi maqsadi yoʻlida harakat qilishini koʻrasiz.
Afisha.uz oʻzbek kinosiga yuz yil toʻlgani munosabati bilan hozirgi kunda ushbu sohada ishlayotgan yosh ijodkorlardan qaysi oʻzbek kinokartinalarini koʻrishni tavsiya qilishini soʻradi.
Sarvar Karimov tavsiyalari
Rejissyor Sarvar Karimov bolalar uchun ishlangan “Sehrli qalpoqcha” va “Sehrli qalpoqcha 2”, shuningdek, Chingiz Aytmatov asari asosida suratga olingan “Sarvqomat dilbarim” filmlari va “Hokim buva” seriali bilan mashhur hisoblanadi. Bundan tashqari, oldinroq Afisha.uz rejissyor bilan suhbatlashgandi.
1. “Sevishganlar” (1969)
Rejissyor Elyor Ishmuhammedov.
2. “Changak” (1989)
Rejissyor Jahongir Qosimov.
3. “Yolgʻiz yodgorim” (1998)
Rejissyor Sobir Nazarmuhammedov.
4. “Soyabon” (2018)
Rejissyor Abdulaziz Xoʻjayev.
5. Abdulla Qodiriy (2021)
Hujjatli film.
Rejissyor Umid Hamdamov.
Shokir Xoliqov tavsiyalari
Rejissyor Shokir Xoliqov ijodini “Choy” nomli qisqa metrajli film bilan boshlagan. Keyinroq esa “Yakshanba” toʻliq metrajli kinokartinasini oldi va u bilan jahonning nufuzli festivallarida ishtirok etib, sovrinlarga erishmoqda.
1. “Sen yetim emassan” (1962)
Rejissyor Shuhrat Abbasov.
2. “Toshkent non shahri” (1968)
Rejissyor Shuhrat Abbasov.
3. “Ilova” (2010)
Rejissyor Yolqin Toʻychiyev.
4. “Oʻtov” (2007)
Rejissyor Ayub Shahobiddinov.
5. “Dev bilan pakana” (2003)
Rejissyor Jahongir Qosimov.
Sardor Faxriddinov tavsiyalari
Soʻnggi vaqtlarda qoʻshiqchi Jahongir Otajonov bilan birgalikda samarali faoliyat olib borayotgan rejissyor Sardor Faxriddinov “Foniy dunyo” va “Poram” kliplaridan keyin koʻpchilikning e’tiboriga tushdi.
1. “Changak” (1989)
Rejissyor Jahongir Qosimov.
2. “Zarb” (2014)
Rejissyor Nozim Toʻlaxoʻjayev.
3. “Oʻrtoq Boykenjayev” (2002)
Rejissyor Yusuf Roziqov.
4. “Abdullajon yoxud Stiven Spilbergga bagʻishlanadi” (1991)
Rejissyor Zulfiqor Musoqov
5. “Afgʻon” (2012)
Rejissyor Yolqin Toʻychiyev.
Xurshid Abdurashid tavsiyalari
Shoir va yozuvchi Xurshid Abdurashid ssenariynavis ham hisoblanadi. Ma’lumot uchun, shu vaqtgacha uning “Faqat u qoldi” she’riy kitobi va “Dardisar” nasriy asari chop etilgan.
1. “Dev bilan pakana” (2003)
Rejissyor Jahongir Qosimov.
2. “Fellini” (1999)
Rejissyor Nozim Abbosov.
3. “Parizod” (2012)
Rejissyor Ayub Shahobiddinov.
4. “Oʻrtoq Boykenjayev” (2002)
Rejissyor Yusuf Roziqov.
5. “Yaratganga shukr” (1997)
Rejissyor Zulfiqor Musoqov.
Abdulaziz Xoʻjayev tavsiyalari
Aktyorlik hamda rejissyorlik faoliyati bilan shugʻullanadigan Abdulaziz Xoʻjayev “Soyabon” filmidan keyin tanilgan. Bungacha bir qator filmlarda rol oʻynaganidan tashqari, “Ilhom” teatrida ham aktyor sifatida faoliyat yuritadi.
“Faridaning 2000 qoʻshigʻi” (2020)
Rejissyor Yolqin Toʻychiyev.
2. “Oʻrtoq Boykenjayev” (2002)
Rejissyor Yusuf Roziqov.
3. “Vatan” (2006)
Rejissyor Zulfiqor Musoqov.
4. “Bardosh” (1982)
Rejissyor Uchqun Nazarov.
5. “Togʻa” (2014)
Rejissyor Rashid Malikov.
Shohruh Norqulov tavsiyalari
Rejissyor Shohruh Norqulov Abdulla Qahhorning “Dahshat” hikoyasi asosida “Unsin” qisqa-metrajli filmini suratga olgan. Bundan tashqari, uning oʻzbek tili haqidagi roligi ham mashhurlikka erishdi.
1. “Erkak” (2004)
Rejissyor Yusuf Roziqov.
2. “Dev bilan pakana” (2003)
Rejissyor Jahongir Qosimov.
3. “Sevishganlar” (1969)
Rejissyor Elyor Ishmuhammedov.
4. “Yaratganga shukr” (1997)
Rejissyor Zulfiqor Musoqov.
5. “Sugʻdiyona” (2006)
Rejissyor Bahrom Yoqubov.
