Interstellar filmi 10 yilligi munosabati bilan Toshkentda ham qayta namoyish etiladi

Rejissyor Kristofer Nolanning 2014-yilda premyera qilingan “Interstellar” filmi 10 yilligi munosabati bilan “Cinematica” kinoteatridagi IMAX zalida 5-dekabrdan namoyish etiladi.

Qurg‘oqchilik, chang bo‘ronlari va o‘simliklarning yoʻqolib ketishi insoniyatni oziq-ovqat inqiroziga olib kelganida, tadqiqotchilar va olimlar jamoasi insonning kosmik sayohatlari uchun avvalgi cheklovlarni chetlab o‘tish va insoniyat uchun qulay sharoitlarga ega sayyorani topish uchun samoga sayohatga otlanadi.

Kinokartinada bosh rollarni Metyu Makkonaxi, Enn Xeteuey, Jessika Chesteyn, Makkenzi Foy, Maykl Keyn, Devid Jessi, Ues Bentli, Keysi Afflek, Jon Litgou, Mett Deymonlar ijro etgan. Film rus tilida koʻrsatiladi.