Kino san'ati ustalari haqidagi hujjatli filmlar namoyishi

“Milliy kino san’ati saroyi” (Panorama) kinoteatrida kino san’ati ustalari haqidagi hujjatli filmlar namoyishi o‘tkaziladi.

Ssenariy muallifi va rejissyor Eljon Abbosovning “O‘zbekistonda kino san’ati ustalari” turkumidagi hujjatli filmlari 14:00 da taqdim etiladi. Ushbu turkumning markaziy filmlari — “Shuhrat Abbosov”, “Nabi G‘aniyev” va “Komil Yormatov” — O‘zbekiston kino san’ati tarixidagi buyuk shaxslarning hayoti va ijodiga bag‘ishlanadi.

Har bir filmning maqsadi — ushbu ustalarning san’atdagi o‘rni, ularning ijodi orqali o‘zbek kinosining yuksalishi va jahon kinosidagi o‘ziga xosligini ko‘rsatish. Bu filmlar orqali tomoshabinlar nafaqat kino san’ati tarixidan, balki O‘zbekistonning madaniy merosi va uning kinoshunoslikdagi muvaffaqiyatlaridan xabardor bo‘ladi.

Soat 18:00 da esa kinoteatrda Kinematografiya agentligi buyurtmasiga binoan, “Qaraqalpoqfilm” kinostudiyasi tomonidan suratga olingan “Ajiniyoz” badiiy-publitsistik filmining premyerasi bo‘lib o‘tadi.

Kirish bepul.