Oʻzbekiston kinoteatrlaridagi premyeralar (7-noyabr)
Oʻzbekiston kinoteatrlarida 7-noyabr kuni “Миссия: Красный” komediyasi, “Профессионал” jangari filmi, “Бернард. Миссия: Марс” multfilmi va boshqa yangi kinokartinalar namoyishi boshlanadi.
“Миссия: Красный”
“Qizil” kodli nomdagi Santa Klaus o‘g‘irlab ketilgan. Shimoliy qutb xavfsizlik xizmati boshlig‘i dunyodagi eng mashhur odam ovchisi bilan birlashishi kerak. Ular birgalikda butun dunyo boʻylab Rojdestvoni qutqarish bo‘yicha missiyani boshlaydi.
“Мой любимый двортерьер”
Faol va uddaburon qizcha Enni ko‘chada juda aqlli va ziyrak itni tanlaydi. Enni “dvorteryer"ga Pakana laqabini o‘ylab topadi va ular tez orada eng yaxshi do‘stlarga aylanadi. Ota-onasiga uy sotib olishda yordam berish uchun Enni xalqaro kuchuklar shousida ishtirok etishga va katta pul mukofotini qo‘lga kiritishga qaror qiladi. Faqat bitta muammo bor: Pakana omma oldiga chiqishdan qo‘rqadi, chempionatning barcha ishtirokchilari esa katta tajribaga ega nasldor itlar bo‘lib, yangi tug‘ilgan zotsiz itning muvaffaqiyatiga xalaqit berishni xohlashadi.
“Отец года”
Muvaffaqiyatli art-diler va baxtli turmush oʻrtoq Endi kutilmaganda yaqin uch oyni ikki yosh bola bilan birga oʻtkazishi kerakligini bilib qoladi. Qadimiy erkaklar hikmatida ta’kidlanganidek, bu yaxshi oqibatlarga olib kelmaydi. Egizaklarni katta qiziga qoldirishi va biznes bilan shug‘ullanishda davom etishi mumkin edi, lekin u ham homilador. Imkonsiz qolganini tushungan Endi hokimiyatni o‘z qo‘liga oladi — bolalarni sog‘lom ovqat, qattiq tartib-intizom va uy vazifalari kutmoqda. Biroq “Yil otasi” unvoniga hali munosib ham bo‘lish kerak.
“Бернард. Миссия: Марс”
Omadsiz ayg‘oqchi Bernard hammaning e’tirofini qozonish uchun Marsga ketayotgan kemaga yashirincha kirib oladi. U gapiradigan G13 roboti bilan birgalikda xavfli vazifani bajarishi, afsonaviy mars maxluqini tutishi kerak. Biroq super qahramon rolini yaxshi uddalay olmaydigan Bernard tufayli hamma narsa kutilganidek boʻlmaydi.
“Профессионал”
Bir vaqtlar u haqida afsonalar tarqalgan gangster jinoyat olamini tark etishga va umrining qolgan qismini oilasi bilan munosabatlarni tiklash bilan oʻtkazishga qaror qiladi. Xatolar yukini his qilib, ularni oʻnglashga va ayriliq yillarida yo‘qotgan ishonchni tiklashga harakat qiladi. Biroq jinoyatchilar dunyosi uni osonlikcha qo‘yib yubormoqchi emas.
“Вкус жизни”
Ish topishdan umidini uzgan va hayot zavqini yo‘qotgan Se Xi hayotini yakunlash niyatida Okinava plyajidagi qoyaga chiqadi. Ammo so‘nggi lahzada uni mash’um yechimdan chalg‘itadigan taomning shirin hidini sezadi. Hid ortidan borib, bir qarashda hech kim yo‘qdek tuyulgan eski “Ha-Na restorani"ga kirib qoladi. Ruxsatsiz stolda qoldirilgan ovqatni yeyishni boshlaydi. U hushiga kelganida, uning qarshisida restoran egasi Xona turardi. Boshliq unga bir stakan suv uzatadi va iliq tabassum qiladi
“Заманчивое предложение”
Hayotni yangi sahifadan boshlashga intilayotgan er-xotin orzularidagi uyni bitta shart bilan sovg‘aga olishadi — ular hech qachon yerto‘la eshigini ochmasligi kerak.
“Затерянное место”
Ikki egizak o‘g‘li bor ayol ularni yovuzlikdan himoya qiluvchi o‘rmonda yashaydi. Ular bilan aloqa yoʻqolmasligi uchun ayol uydan arqonni bogʻlagan holda chiqib ketishi krak. Aks holda, yovuzlik tegib, miyangni egallab oladi. Bolalar onasining qoidalariga so‘zsiz bo‘ysunishadi, ammo ko‘p o‘tmay bir o‘g‘il ularning haqiqatiga shubha bilan qaray boshlaydi.
“Изгоняющий дьявола: Апокалипсис”
Bir necha yil oldin yovuz ruh jodugar Kodratning kichkina o‘g‘lini o‘ldirdi, keyin esa, erkak jazo muddatini o‘tayotganda, turma qo‘riqchisining ichiga kirib olib, uning o‘zini ham o‘ldirishga harakat qildi. Endi Kodrat qishloqqa, ustozining oldiga qaytib keladi va uning og‘ir kasal ekanligini hamda mahalliy aholi har xil qiyinchiliklarni boshdan kechirayotganini koʻradi.