Hilol Nasimov rejissyorligidagi "Sevdo" filmining tizeri e'lon qilindi

Rejissyor Hilol Nasimov tomonidan suratga olingan “Sevdo” badiiy filmining tizeri e’lon qilindi. Bu haqda Kinematografiya agentligi axborot xizmati xabar berdi.

Qayd etilishicha, filmda Prokuratura xodimlarining so‘nggi yillardagi faoliyati ochib beriladi. Bundan tashqari, jamiyatda uchrab turadigan g‘arazli kimsalarning kirdikorlarini fosh qilish haqida so‘z boradi. Estrada olamiga yorqin yulduz kabi kirib kelgan go‘zal Sevdo tahdid va malomatlarga uchraydi.

“Sevdo” badiiy filmining tasvirga olish ishlari Rossiyaning Sankt-Peterburg hamda Turkiyaning Istanbul va Buyuk Ada shaharlarida boshlanib, O‘zbekiston hududida ham boʻlib oʻtgan.

Filmda Aysanem Yusupova, Samidxon Lutfullayev, Nigora Karimboyeva, Mashxura Zulfiqorova, Mehriddin Rahmatov, Rustam Karimov, Bahshillo Fatullayev, Boir Holmirzayev, Fotih Nasimov, Odina G‘oziyeva, Shohruh Hamdamov, Davron Karimov singari aktyor va aktrisalar rol ijro etgan.