Oʻzbekistondagi ayollar haqida yangi hujjatli film suratga olinmoqda
E’lon qilingan sana: · 366
Oʻzbekistondagi ayollar haqida “Ayollar daftari” nomli yangi hujjatli film suratga olinmoqda. Bu haqda “Hujjatli va xronikal filmlar kinostudiyasi” matbuot xizmati xabar berdi.
Qayd etilishicha, ushbu hujjatli film Madaniyat vazirligi huzuridagi Kinematografiya agentligi badiiy kengashining buyrug‘iga asosan ishga tushurilgan.
Ta’kidlanishicha, kinokartinada O‘zbekistonda oila va xotin qizlar masalalari borasidagi ishlar, mahallalarda joriy etilgan “Ayollar daftari” to‘g‘risida hikoya qilinadi.
Ayni damda ijodiy guruh Oʻzbekistonning turli nuqtalarida tasvirga olish ishlarini olib bormoqda. Kinokartina muallifi va rejissyori Jamilaxon Po‘latova hisoblanadi.