Zulfiqor Musoqov yangi film suratga olmoqda
E’lon qilingan sana: · 1 526
Rejissyor Zulfiqor Musoqovning navbatdagi “Ninachi qanotlari uchun kuy” (Fudziyama haqida tush) badiiy filmining suratga olish ishlari boshlandi. Bu haqda “Oʻzbekfilm” kinokonserni matbuot xizmati xabar berdi.
Qayd etilishicha, Kinematografiya agentligi buyurtmasi bilan “Oʻzbekfilm” kinokonsernida suratga olinayotgan kinokartina psixologik janrda boʻlib, toʻliq metrajli badiiy film hisoblanadi.
Filmda bosh qahramon psixolog ayol Umidaning atrofida sodir boʻlayotgan voqealar yoritib beriladi. Rollarda Feruza Saidova hamda Mahliyo Asqaraliyevalarni koʻrish mumkin.
