Oʻzbekiston kinoteatrlaridagi premyeralar (24-oktyabr)
Oʻzbekiston kinoteatrlarida 24-oktyabrdan “Веном: Последний танец” fantastik trilleri, “Робин Гуд и хранители леса” sarguzasht filmi, “Огниво” fentezisi va boshqa yangi kinokartinalar namoyishi boshlandi.
“Веном: Последний танец”
Birga yashashga moslashgandan soʻng, Eddi va Venom doʻst boʻlishadi va birga yovuz odamlar bilan kurashadi. Ammo endi Eddini harbiylar, Venomni esa barcha tirik mavjudotlarga tahdid soladigan begona qarindoshlari qidirmoqda.
“Робин Гуд и хранители леса”
11 yoshli Robin va uning sodiq do‘stlari “Kapyushonlar” butalar bilan qoplangan o‘rmon chetini sehrli qirollikka aylantiradi. Ammo bu yer g‘arazli katta odamlardan biri zamonaviy turar-joy majmuasini qurish uchun o‘rmon chetini butalardan tozalashni niyat qilgan vaqtda xavf ostida qoladi. Bolalarning barcha sa’y-harakatlariga qaramay, ularning noroziliklari e’tibordan chetda qoladi. O‘z qirolligini yo‘qotish Robin va uning do‘stlarining rejalaridan joy olmagan, shuning uchun ular vaziyatni o‘z qo‘llariga oladi.
“Огниво”
Ertaklar olamida askar uyiga qaytayotib, tasodifan sehrli chiroqni topadi va yovuz Lixodey tomonidan o‘g‘irlab, sehrlab qo‘yilgan va qamoqda yotgan yosh qiz Dashani ozod qiladi. Uning sehrini yoʻqotish uchun esa askar xavfli sayohatga otlanadi.
“Моя чудная семейка”
Betti — do‘stlari bilan sayr qilishni yaxshi ko‘radigan va musiqa guruhida kuylaydigan oddiy maktab o‘quvchisi. Lekin uning katta va ahil oilasi biroz g‘alati. Onamsi, dadasi va akasi sehr-jodu qobiliyatiga ega va mo‘jizalar yaratishadi. Oilaning kuchugi esa hamma bilan gaplashadi va bahslashadi. Bir kuni Betti ajoyib sirni bilib oladi. Ma’lum bo‘lishicha, dunyoni yovuz sehrgardan faqat u qutqara oladi va buning uchun notalari ishonchli tarzda yashiringan qadimiy qo‘shiqni o‘rganishi va ijro etishi kerak.
“Замри”
Ayris ortiq yashashdan ma’no yoʻq degan fikrga keladi. Baxtsiz tasodif sabab uning o‘g‘li vafot etadi, oilasi vayron bo‘ldi va og‘riq hamda yolg‘izlik qurshovida qoldi. Ammo psixopatning asiriga tushgandan keyingina yashashni qanchalik xohlashini tushunadi.
“Крик. Сезон призраков”
Niqob taqqan qotil Hellouin bayramiga bag‘ishlangan qoʻrqinchli shou ishtirokchilarini o‘ldiradi.
“Астрал. Игры призраков”
Bir guruh prankchilar tunlari “yomon nom” qozongan turar-joy binolariga kirib, u yerda yashovchilarni qo‘rqitish uchun “arvohlar o‘yini"ni uyushtiradi. Ammo kunlarning birida ular haqiqiy arvohlar bilan, ularning qoidalari bo‘yicha o‘ynashga majbur bo‘ladi.
“Вуду. Шёпот тьмы”
Ella qo‘g‘irchoq animatsiyalari olamidagi afsonaviy qahramonning qizi. Hukmron ona artritdan aziyat chekadi va so‘nggi filmni qizining qo‘llari bilan tugatishga harakat qiladi, lekin to‘satdan insult kasaliga chalinadi. Ella boshqa kvartiraga ko‘chib o‘tadi, u yerda qo‘shni qiz bilan tanishadi va uning hikoyasi bo‘yicha o‘z filmini suratga oladi.