“Yovvoyi robot” multfilmi kinoteatrlarda oʻzbek tilida ham premyera qilinadi

DreamWorks studiyasining “Yovvoyi robot” multfilmi Oʻzbekistonda 17-oktyabr kuni oʻzbek, rus va ingliz tillarida premyera qilinadi. Kinokartina IMDB reytingida 8,5 ball, Rotten Tomatoes’da 98 foiz ijobiy ovoz va Metacritic portalida 85/100 bahoga ega boʻldi.

Multfilmga chiptalarni Afisha.uz saytida xarid qilish mumkin.

Film syujetiga koʻra, robot ROZZUM 7134 (yoki qisqacha “Roze”) kemasi halokatga uchraydi va kimsasiz orolga borib qoladi. U ogʻir sharoitlarga moslashishni oʻrganishi, asta-sekin oroldagi hayvonlar bilan munosabatlarni oʻrnatishi va ota-onasidan ajralgan gʻozni asrab olishi kerak.

Multfilm rejissyori Kris Sanders (“How to Train Your Dragon”, “The Croods”, “Lilo & Stitch”), personajlarga esa Lupita Niongo, Pedro Paskal, Ketrin OʻHara, Bill Nayi, Mark Xemill va Ving Raymslar ovoz bergan.