2024-yil oktyabr oyida O‘zbekiston kinoteatrlarida qaysi filmlar namoyish etiladi?
Kalendar yana bir marta aylantirildi va oktyabr ham kirib keldi. Bu oy kino ixlosmandlari uchun samarali bo‘lishni va’da qilmoqda. Shovqin koʻtargan blokbasterlardan tortib, qalbning eng nozik torlariga ham ta’sir o‘tkaza oladigan dramalargacha. Mashhur franshizalarning davomi va e’tibor qaratish kerak boʻlgan eng yangi hikoyalar. Muxlislarni kinoteatrlarga qaytaradigan premyeralarga tayyor turing. Stop, “Anora” qani?
“Джокер: Безумие на двоих”
Joker: Folie à Deux
Janr: triller, drama, jinoiy, musiqiy.
Premyera sanasi: 3-oktyabr.
Biz buni besh yil kutdik. Jinoyatchilar olamining shahzodasi Gotemga qaytmoqda! Kinotanqidchilar loyiha haqida vazminlik bilan gapirib, film strukturasining boʻshligini tanqid ostiga oldi. Bundan tashqari, 2019-yilda eng kassabop filmlardan biri boʻlgan, “Dedpul va Rossomaxa” filmi chiqqunga qadar R reytingidagi filmlar ichida eng koʻp pul ishlagan “Joker"ning sikveli qanday chiqishini oʻz koʻzingiz bilan koʻrishingiz mumkin.
Sinopsis: Arkhem kasalxonasida majburiy davolanayotgan, omadsiz komik Artur Flek oʻzining butun umrlik sevgisi boʻlgan Xarli Kvin bilan uchrashadi.
“Тихое место: Азраэль”
Azrael
Janr: qoʻrqinchli, jangari.
Premyera sanasi: 10-oktyabr.
Ha, bizni yana aldashmoqchi. Samara Uing oʻynagan “Азраэль"ning “Тихое место” bilan hech qanday aloqasi yo‘q. Shunga qaramay, bu nomning ma’nosi ushbu loyihaga ko‘proq mos keladi. Loyihaga “Призраков усадьбы Блай” filmi hamda “Крик” va “Болотная тварь” seriallarining rejissyorlaridan biri javobgardir. U qo‘rqinchli filmlarni qanday suratga olish kerakligini ozmi-ko‘pmi biladi va “Азраэль” ham qiziqarli loyihaga o‘xshaydi, ayniqsa filmda umuman dialoglar bo‘lmasligini tushunganingizda.
Sinopsis: oʻlik sukunat hukm suradigan dunyoda majusiylar jamoasi qadimiy yovuzlik uchun qurbon qilish maqsadida yosh ayolni ta’qib qiladi va o‘g‘irlaydi. Mo‘jizaviy ravishda ozod bo‘lgach, Azroil qasos olishga va hech narsa muqaddas bo‘lmagan kultga barham berishga qasam ichadi.
“Дикий робот”
The Wild Robot
Janr: multfilm, fantastika, sarguzasht.
Premyera sanasi: 17-oktyabr.
Ushbu multfilm allaqachon butun dunyodagi tomoshabinlari qalbini egallamoqda. Universal kompaniyasining loyihasi atrofidagi “yaxshi sarafan” (multfilm atrofidagi yaxshi fikrlar) Amerika va jahon prokatida yetakchilikni qo‘lga kiritishga yordam berdi. “Дикий робот” ham afsonaviy “Стальной гигант” loyihasi bilan taqqoslanmoqda, maqtovlar yomgʻiri ostida qolmoqda va “Oskar"ga nomzodi qoʻyilishi taxmin qilinmoqda. Premyeraga borish uchun yana sabablar kerakmi?
Sinopsis: Robot ROZZUM 7134 (yoki qisqacha “Roze”) kemasi halokatga uchraydi va kimsasiz orolga borib qoladi. U ogʻir sharoitlarga moslashishni oʻrganishi, asta-sekin oroldagi hayvonlar bilan munosabatlarni oʻrnatishi va ota-onasidan ajralgan gʻozni asrab olishi kerak.
“Ужасающий 3”
Terrifier 3
Janr: qoʻrqinchli.
Premyera sanasi: 17-oktyabr.
Yangi memlar qahramoni bizning prokatimizga ham yetib keldi. Rejissyor va ssenariy muallifi Demiyen Leonening ta’kidlashicha, sikvelning aql bovar qilmaydigan muvaffaqiyatidan so‘ng (tomoshabinlar hushini yo‘qotib, kinoteatrlarda ko‘ngli aynigan) ular plankani ko‘tarib, trikvelni yanada shafqatsiz va hayratlanarli boʻlishiga qaror qilgan. Biroq Leonening so‘zlariga ko‘ra, u filmni kengroq auditoriyaga taqdim etish uchun shok kontentda haddan oshmaslik harakatida boʻlgan.
Sinopsis: Manyak-masqaraboz Art Rojdestvo bayrami arafasida tinch uxlab yotgan Maylz okrugi aholisini oʻldirishga kirishadi.
“Улыбка 2”
Smile 2
Janr: qoʻrqinchli.
Premyera sanasi: 17-oktyabr.
Hellouin arafasida bizga yana bir muvaffaqiyatli xorrorning davomi, faqat yanada yulduzli tarkib bilan yetib keladi. Filmda Naomi Skott, Kayl Gallner, Rey Nikolson va Dryu Berrimor suratga tushgan. Sikvel ustida ishlash uchun oʻz oʻrniga qaytgan rejissyor Parker Finn esa tomoshabinlarni birinchi filmdagidan ham chuqurroq psixologik dahshatga tushirishga va’da beradi. Shuningdek, u oʻz hayotini ommaga oshkor qilish va shon-shuhrat odamlarga boʻlgan ruhiy bosim va qo‘rquvni qanday kuchaytirishi mumkinligini o‘rganmoqchi ekanligini aytgandi.
Sinopsis: Jahon gastrollariga ketayotgan pop yulduzi kuchli la’natga duchor boʻladi.
“Другой человек”
A Different Man
Janr: drama, komediya.
Premyera sanasi: 17-oktyabr.
Nima haqida o‘ylayotganingizni bilamiz, lekin toʻxtang, aktyor Adam Pirsonda haqiqatdan neyrofibromatozning kasalligi bor. Umuman olganda, film ijodkorlari o‘ziga xoslik va tashqi ko‘rinish mavzulariga ataylab g‘ayrioddiy va syurrealistik bilan yondashgan. Umid qilamizki, bizni “Субстанция"ning “2.0” versiyasi kutmoqda. Darvoqe, bosh rolni ijro etgan Sebastyan Sten 74-Berlin kinofestivalida “Kumush ayiq” mukofotini qoʻlga kiritgan.
Sinopsis: yangi aktyor Edvard Nyu-Yorkda yashaydi va katta rollarni, atrofdagilarning sevimlisi boʻlishni orzu qiladi. Maqsadga biroz yaqinroq bo‘lish uchun u radikal jarrohlik operatsiyasini oʻtkazishga qaror qiladi va tashqi ko‘rinishini butunlay o‘zgartiradi. Yangi qiyofa boʻyicha orzusi ushaldi, ammo ko‘p o‘tmay bu dahshatga aylandi. U tom ma’noda o‘zi uchun yozilgan rolni qoʻldan chiqaradi va yoʻqotgan narsasini olish uchun telbalarcha intiladi.
“Веном: Последний танец”
Venom: The Last Dance
Janr: fantastika, jangari, triller, sarguzasht.
Premyera sanasi: 24-oktyabr.
Jurnalist va o‘zga sayyoralik feniletilamin ishqibozi o‘rtasidagi qiyin va tarang munosabatlar haqidagi filmni oldin “Venom” loyihasining ssenariylari ustida ishlagan Kelli Marsel suratga olgan. Buni chaqiruv deb hisoblaymiz, lekin hech bo‘lmaganda trikvelda muxlislar orasida katta shov-shuvga sabab bo‘lgan simbiotlar ma’budi Nallning paydo bo‘lishini kutamiz. Bunday qudratli yovuzning chiqishi filmning masshtabini oshiradi. Marsel, biz senga ishonamiz.
Sinopsis: birga yashashga moslashgandan soʻng, Eddi va Venom doʻst boʻlishadi va birga yovuz odamlar bilan kurashadi. Ammo endi Eddini harbiylar, Venomni esa barcha tirik mavjudotlarga tahdid soladigan begona qarindoshlari qidirmoqda.
“Время жить”
We Live in Time
Janr: drama, melodrama.
Premyera sanasi: 31-oktyabr.
Go‘zal Florens Pyu va Endryu Garfild hayotning muhim lahzalarini tasodifiy uchrashuvlar va katta sinovlar prizmasi orqali oʻrganish mumkin boʻlgan hissiy sevgi hikoyasini taqdim etish uchun birlashdi. Tanqidchilarning ta’kidlashicha, film nostandart strukturaga ega. Hayotning betartib, ammo muhim lahzalari orqali ikki sevishganning munosabatlarini qismlarga bo‘lib, boshdan oʻtkaziladi. Shuningdek, qahramonlarning oʻzaro munosabati voqeani yanada haqiqatga yaqin va ta’sirli qiladi.
Sinopsis: maqsadga intiluvchan Almut butun umri davomida oshpaz bo‘lishni orzu qilgan, romantik Tobias esa koʻp boʻlmagan ajrashishdan keyin hali o‘zini o‘nglay olmadi. Tasodifiy to‘qnashuv ularning hayotini butunlay o‘zgartirib yuboradi. Endi esa ularning maftunkor qizi, shinam uyi va gullab-yashnayotgan karyerasi bor. Ammo ular mash’um xabar eshitadi: Almut jiddiy kasallikka qarshi kurashishi kerak. Umidlarini yo‘qotmagan er-xotin har bir lahzaning qadr-qimmatini anglaydilar va bir daqiqa ham behuda ketmasligi uchun yashashga qaror qiladilar.
“Ученик. Восхождение Трампа”
The Apprentice
Janr: drama, biografiya, tarixiy.
Premyera sanasi: 31-oktyabr.
Sebastyan Stendan yaxshiroq nima bo‘lishi mumkin? Ikkita Sebastyan Sten! Bu safar aktyor hali tirik, ammo AQSh sobiq prezidenti Donald Tramp rolini o‘ynaydi. Film yaratuvchilari loyihani nafaqat Tramp haqidagi bayopik, balki biznesmen va siyosatchi ishtirok etgan korrupsion hokimiyat tizimini fosh etuvchi hikoya sifatida taqdim etishadi. Shu bilan birga, rejissyor film qahramonini bir xil yovuz qahramon sifatida tasvirlashdan qochadi, uning ambitsiyalariga va tizimdan shaxsiy maqsadi uchun foydalanishga tayyorligiga urg‘u beradi.
Sinopsis: yosh tadbirkor Donald J. Tramp Manxettenda ko‘chmas mulk savdosi bilan shug‘ullanadi. Uning mijozlari orasida biznesmenlar, kino yulduzlari, siyosatchilar va Amerikaning eng xavfli jinoyatchilari bor. Ular orasida omon qolish uchun yaxshi aloqalar kerak. Mashhur advokat va shantajchi Roy Konning qo‘llab-quvvatlashi ostida bo‘lgan Tramp butun Nyu-Yorkni o‘z qo‘liga olishni rejalashtirmoqda.
“Агент на Уикенд”
Weekend in Taipei
Janr: jangari, triller.
Premyera sanasi: 31-oktyabr.
“Агент на Уикенд” filmining yaratuvchilari uni Lyuk Bessonning ijodiy uslubidan ilhomlanilgan romantik elementlarga ega dinamik ekshn sifatida tasvirlashadi. Bundan tashqari, filmda Lyuk Evans va o‘sha “oilaviy” franshizadagi Xan rol o‘ynaydi.
Sinopsis: yigit — maxsus agent boʻlib, bajara olmaydigan vazifalari yoʻq. Qiz — jinoiy sindikat xizmatidagi eng yaxshi tashuvchi. Taqdir navbatdagi topshiriq vaqtida sobiq jazmanlarni uchrashtiradi. Bu vaziyatda ular omon qolishdan ko‘ra koʻproq bir narsani — bir-birlarini qayta sevib qolmaslikni oʻylashi kerak.
