"Cinema Love 2024" festivali

Toshkentda an’anaviy “Cinema Love” kinofestivali bo‘lib o‘tadi.

Cinema Love — kino va unga boʻlgan muhabbat festivali boʻlib, u kinoni birgalikda oʻrganish, tomosha qilish va muhokama qilishga taklif qiladi. Bu Toshkentda tashkil etilgan mustaqil kinofestival, unda Markaziy Osiyodan kelgan yosh mualliflar ijodiga alohida eʼtibor qaratiladi.

Bu yil “Cinema Love” uchinchi bor — 13−22 sentyabr kunlari bo‘lib o‘tadi.

Har yili festival yaxshi kino namoyish etish, odamlarda kinoga mehr uygʻotish, kino ixlosmandlarini birlashtirish, muhokama maydoni yaratish, intiluvchan mualliflarni ilhomlantirish, idrok palitrasini kengaytirish va hamdardlikni kuchaytirishga intiladi.

Shuningdek, parallel blok sifatida Toshkentda ketma-ket uchinchi yil “Raqamli kuz” festivali o‘tkaziladi. O‘zbekistondagi festival tashkilotchilari — Fransiyaning O‘zbekistondagi elchixonasi, Fransiya Alyansi va Fransiya elchixonasi huzuridagi Fransiya instituti Less Media Group agentligi va MOC kreativ xablari bilan hamkorlikda, VRonica kompaniyasining texnik ko‘magida tomoshabinlarga fransuz mualliflarining eng yorqin va eksperimental VR asarlarini kashf etishni taklif qiladi.

Festival dasturi:

• butun Markaziy Osiyodan 20 dan ortiq qisqa metrajli filmlardan iborat tanlov dasturi;
• Umida Ahmedova va Oleg Karpov asarlari retrospektivi;
• san’atkorlar Sasha Kulak va Sana Serkebaeva bilan suhbat;
• Sasha Kulak, Mixail Borodin, Almir Sayfullina, Katerina Suvorova, Malika Muhamedjan va Asel Juraevaning filmlari namoyishi.

Bu yilgi tanlov dasturi ishini baholaydigan hakamlar hay’ati a’zolari:

• Asel Jurayeva — qirgʻizistonlik kinorejissyor va ssenarist;
• Oleg Karpov — oʻzbekistonlik muallif va rejissyor;
• Umida Ahmedova — oʻzbekistonlik kinematograf va fotograf.

Chipta narxi: 20 000 soʻmdan boshlanadi.

Ushbu havola orqali oldindan roʻyxatdan oʻtish talab qilinadi.