Oʻzbekiston kinoteatrlaridagi premyeralar (22-avgust)
Oʻzbekiston kinoteatrlarida 22-avgust kuni “Ворон” kriminal melodramasi, “Подай знак” trilleri va boshqa yangi filmlar namoyishi boshlandi.
“Ворон”
Sevgan insonini qutqarish uchun oʻzini qurbon qilgan Erik Draven tiriklar va oʻliklar dunyosi orasida qolib ketadi. U oʻzga dunyodan qaytib, qotillar bilan hisob-kitob qilish uchun hech narsadan tab tortmaydi. Bundan buyon u adolatga chanqoq Qargʻa va uning qasosi har qachongidan ham shafqatsizroq boʻladi.
“Подай знак”
Los-Anjeleslik yosh ofitsiant Frida filantrop va IT-magnat boʻlgan Slater King atrofidagi odamlar orasiga kirib oladi. Qiz biznesmenning shaxsiy orolida ziyofatlarda qatnashadi va yangi odamlar bilan tanishadi, lekin vaqt oʻtishi bilan u bu yerda gʻalati ishlar boʻlayotganini tushunadi.
“Как приручить бизона”
1886-yil. Ota-onasidan ayrilgan ikki irland okean laynerida shovqin-suronli Nyu-Yorkka yetib keladi. Meri va Tom amakisi Niall bilan uchrashish va meros olish uchun uzoq yoʻlni bosib oʻtishdi. Ular deyarli pulsiz qolganidan keyin, Transkontinental temir yoʻli boʻylab hayajonli sarguzashtga kirishadi.
“Мой парень — маньяк”
Yoshlar mashhur tanishuv ilovalarida roʻyxatdan oʻtadi. Koʻp oʻtmay, butun shahar boʻylab oʻz qurbonlarini internet orqali tanlagan manyak paydo boʻlgani haqidagi xabar tarqaldi. Qanday qilib qotilni aniqlash va oʻz sherigi manyak yoki manyak emasligini tushunish mumkin?
“Месть Золушки”
Yovuz oʻgay onasi va yomon oʻgay opalarining gʻalati harakatlaridan charchagan mehnatkash Zolushka qasos olish uchun shisha tuflisidan voz kechadi. Unga qonli adolatni tiklash uchun Choʻqintirgan pari yordam beradi.
“Нечисть в Сеуле”
Film uchun sahnalardan biri mashq qilinayotgan vaqtda dahshatli voqea sodir boʻladi — bir qiz bino tomidan sakraydi. Qiz toʻsatdan oʻrnidan turib, yigitga hujum qilgan vaqtda esa suratga olish guruhi hayratda qoladi. Voqealar jadal rivoj oladi — omon qolishni istaganlar yangi sirli zombilardan qochishi kerak. Filmning bosh yulduzi boʻlishi kerak boʻlgan Shi-Yon omon qolgan yagona odam. U qonxoʻr mavjudotlarning asosiy nishoni oʻzi ekanini tushunadi. Buning ortida katta sir boʻlib, zombilar uning kichik bir qismidir.