"Venom 3" filmining treyleri e'lon qilindi
E’lon qilingan sana: · 1 631
Sony Pictures kompaniyasi Venom trilogiyasining yakuniy qismi uchun treylerni e’lon qildi. “Venom: The Last Dance” (“Venom: Soʻnggi raqs”) filmi 25-oktabr kuni katta ekranlarda namoyish etila boshlaydi.
Syujet jurnalist Eddi Brok (Tom Hardi) va uning o‘zga sayyoralik alter egosi Venom o‘rtasidagi munosabatlarning yangi bosqichi haqida hikoya qiladi. Filmda Juno Templ va Chivetel Ejiofor ham rol ijro etgan. Kinokartina rejissyori Kelli Marsel hisoblanadi. Shuningdek, bosh rol ijrochisi Tom Hardi ham ssenariy mualliflari qatoriga kiradi.
“Venom” ilk bor 2018-yilda katta ekranlarga chiqqan. Filmning ikkinchi qismi esa 2021-yilda premyera qilingan. Kinokartinaning ikkala qismi ham global prokatda 1,3 milliard dollar yiqqan.