Life in plastic, it's fantastic: "Barbi" filmiga sharh
"Barbi" barcha yoshdagi avlodlar uchun ayol salohiyatining eng ijobiy namunalarini namoyish etadi.
Kechagina “Barbigeymer” fenomeni butun dunyoni qamrab oldi va rostini aytsam, men hech qachon bunday tuyg’ularni his qilmaganman. Agar kutilmaganda, biron sababga ko’ra, siz hali ham ikkala kinoga ham bormagan bo’lsangiz, unda birinchi navbatda Nolanning og’ir, ammo qalbning tubiga yetib boruvchi filmiga tashrif buyurishingizni, keyin esa Gervigning pushti komediyasi bilan o’zingizni xursand qilishingizni tavsiya qilaman. Men shunday qildim va ruhiyatim biroz aziyat chekkan bo’lsa-da, hech narsadan afsuslanmayman. Keling, “Barbi"ning muhoakamasiga qaytamiz.
Barbi mamlakatning go’zallik standartlariga javob bermagani uchun Barbilenddan haydaladi. Keyin u haqiqiy dunyoda yangi hayot boshlaydi, u yerda mukammallikka faqat ichki uyg’unlik orqali erishish mumkinligini anglaydi.
Filmning boshi meni chalkashtirib yubordi. Kubrikning “Kosmik Odisseya"siga qilingan parodiya miyamni ta’sir qildi. Bu men uchun qandaydir be’manigarchilikka o’xshardi, lekin xayriyatki, bu sahna bir necha daqiqa davom etdi. Barcha hazillar ham kulgili emasdek, buni butun kino zalidagi sukunati ham tasdiqladi.
Ammo Barbining soddaligi va Kenning ahmoqligi haqiqiy dunyoga duch kelganda hammasi o’zgarib ketadi. Aynan shu yerda film qiziqarli tus ola boshlaydi. Hazillar tushunarli va xatto xavfli ko’rinish oladi, bu 13+ yosh reytingini to’liq oqlamaydi… chunki jinsiy a’zolar haqida hazillar mavjud.
Margo Robbi soxta quvonchdan tashqari yangi his-tuyg'ularni beradi, Rayan Gosling esa … cheksiz hurmatlarim. Robbidan uzr so’rayman, lekin Gosling butun filmning bosh yulduzi. Nima uchun? Filmga tushing va o’zingiz ko’ring. Haqiqiy erkak esa Barbiga faqat u uchun… oxirida o’ladimi yoki yo’qligini bilish uchun boradi.
Robbi juda go’zal, u qanday o’ynashni biladi, lekin “Barbi"da uning yordamchisi sifatida rol berilgan Gosling uni butunlay soyasida qoldiradi. Ya’ni Barbisiz Ken ham bo’lmaydi. Aslida ham bu shunday va film ssenariy nuqtai nazaridan ham, Goslingning aktyorligi nuqtai nazaridan ham uni ajoyib tarzda o’ynaydi. Bu yerda men uni aktyor sifatida hurmat qila boshladim, hazillashayotganim yo’q.
Gervig masalalarni to’g’ri qo’ygan: patriarxatga xos ajoyib hazillaridan tortib, ona va qizning munosabatlari haqidagi ta’sirli munozaragacha ochib berilgan. Yagon ochiq qolgan savol: filmdagi har bir erkak qahramonni “gey” ko’rinishida yoki ahmoq qilib ko’rsatgan holda yaratish shartmidi? Hech kimga kerak bo’lmagan Alan — hisobga olinmaydi.
Rostini aytsam, Warner Bros. va Mattel shunchaki daholardir. Bu kapitalistlar to‘dasi ayolni rejissyor qilib olib, bosh rolga zamonamizning eng go‘zal aktrisalaridan birini tanlaydi, o‘zini masxara qiladi, dunyomizda erkaklarning ahamiyatining ustidan kuladi, ayollarni yuksaltiradi va feminizmni targ‘ib qiladi. Va bularning barchasini o’zimiz ularga olib borib, cho’ntagiga solib qo’yadigan pul uchun qilingan. Sarkazmlarsiz, ular katta moliyaviy foyda olish uchun bizning davrimizning muhim mavzularida spekulyatsiya qiladigan qahramonlarga aylanishadi.
Mayli, filmdan biroz chalg’igandek bo’ldim. Filmdagi musiqa yomon emas. Barbi uchun Nikki Minaj, Dua Lipa, Billi Eilish va boshqa taniqli ijrochilarning ko’plab original kompozitsiyalari yozilgan. Ammo keyin yana ularning barchasi “Men oddiy Kenman” qo’shig’ini ijro etgan Gosling oldida bir chaqa bo’lib qoladi. Jiddiy qilib aytganda, uning qo’shig’i filmning eng yaxshi qismlaridan biridir. Bu ko’k ko’zli blondin nimalar qilganini tushunmadim.
Filmni bolalar qo’g’irchoqlar bilan o’ynaganda tasavvurlari qanday ishlashini tushunadigan odamlar suratga olishgani aniq. Bu yerda siz hech bo’lmaganda Oskar nominatsiyasiga loyiq bo’lgan ajoyib liboslarni ko’rasiz. Va dekoratsiyalar ham, yaxshi ma’noda, o’ziga xos va pop-art uslubida.
“Lady Bird” filmi rejissyoriga dunyodagi eng timsolli o‘yinchoqlardan birini ekranga olib chiqish ishonib topshirilgan. U vazifani uddaladimi? Albatta. Gervig deyarli barcha umidlarni oqladi. U brend sifatida Barbining jozibador kuchidan mukammal foydalangan. Albatta tashrif buyurishga arziydi, lekin faqat Kristofer Nolanning yangi shedevridan keyin.
