"Osmondagi bolalar 3" filminig rasmiy treyleri taqdim etildi
Komediyali drama janridagi mazkur kartinada to‘rt o‘smir do‘stlar taqdiri, orzu-umidlari va qiyinchiliklari haqida hikoya qilinadi.
Zulfiqor Musoqov intervyularining birida filmining yangi talqini haqida gapirarkan, qadrdon qahramonlar: Xurshid, Javohir, Hamdam va Baxtiyorlarning otalik maqomiga erishgani hamda farzandlari bilan munosabatlari aks etishini aytgandi.
“Qahramonlar oʻsha-oʻsha. Aktyorlarga taklifimni aytganimda, ular bajonidil rozi boʻldi. Filmda Xurshid koʻzga koʻringan jarroh, Hamdam taniqli ssenarist, Javohir sport murabbiyi boʻlib yetishadi. Baxtiyor esa otasining izidan borib, biznes bilan shugʻullanadi”, — degan edi rejissor.
O’zbekiston kinematografiya agentligi ma’lumotlariga ko’ra, film premyerasi aprel oyida katta ekranlarga chiqishi kutilmoqda.