"Beruniy sarguzashtlari" nomli oʻzbek multseriali premyera qilindi
E’lon qilingan sana: · 249
Buyuk olim Abu Rayhon Beruniyga bag‘ishlangan bolalar uchun moʻljallangan “Beruniy sarguzashtlari” nomli koʻp qismli oʻzbek multfilmi premyera qilindi.
Hozirgacha multserialning birinchi qismi YouTube’ga joylangan. Mazkur loyiha Oʻzbekiston Respublikasi Yoshlar ishlari agentligi tashabbusi bilan yaratilgan.
Qayd etilishicha, multfilm qahramonlariga Sanobar Sodiqova, Navroʻz Jumayev, Bahtiyor Yusupov, Ixtiyor Otajonov, Asatullo Abdullayev, Axror Alijonov va Shokir Beshimovlar ovoz bergan. Loyihaning gʻoya muallifi Alisher Sa’dullayev, ssenariy muallifi esa Muazzam Iborhimova hisoblanadi.