Selena Gomes filmda Britni Spirs rolini oʻynashi mumkin

2024-yilda premyera qilingan va Oskar mukofotiga nomzodi qoʻyilgan “Wicked” musiqiy filmi rejissyori Jon Chu qoʻshiqchi Britni Spirs haqida biografik filmni suratga oladi va bosh rolni Selena Gomesga beradi. Bu haqda Life And Style Magazine jurnali xabar berdi.

Shuningdek, manbalarning ta’kidlashicha, rejissyor bu rol uchun Natali Portman variantini ham koʻrib chiqadi. Qayd etilishicha, Britni Spirsning oʻzi ham bu g‘oyani qo‘llab-quvvatlaydi.

“Britni Natali Portmanni juda yaxshi ko‘radi va uni aql bovar qilmas aktrisa deb biladi. U aktyorlar tarkibini ko‘rishni xohlaydi va yaxshi vizajist bilan har qanday odam oʻzgarishi mumkin deb hisoblaydi. Selena Gomes ham bilan ham xuddi shunday”, — dedi insayderlardan biri.

Ma’lumot uchun, Britni Spirsning “The woman in me” memuarlari 2023-yilning oktyabr oyida nashr etilgan. Kitob shon-shuhrat, erkaklar, shu jumladan, Jastin Timberleyk bilan munosabatlar haqida hikoya qiladi.