Farrux Zokirov va Sevara Nazarxon Rossiyada "Doʻstlik" ordeni bilan taqdirlandi

Rossiya prezidenti Vladimir Putin o‘zbekistonlik san’atkorlar Farrux Zokirov va Sevara Nazarxonni mukofotlash to‘g‘risidagi farmonni imzoladi, deya xabar bermoqda Oʻzbekiston Madaniyat vazirligi axborot xizmati. Mazkur farmon RFning rasmiy huquqiy hujjatlar e’lon qilanidigan vebsaytga joylashtirilgan.

Ikki ijrochi “o‘zbek va rus madaniyatini yaqinlashtirish va boyitishga qo‘shgan hissasi uchun” “Do‘stlik” ordeni bilan taqdirlangan.

Ma’lumot oʻrnida, “Do‘stlik” ordeni 1994-yil bahorida ta’sis etilgan boʻlib, u Rossiya va chet el fuqarolariga xalqlar oʻrtasidagi doʻstlik va oʻzaro hamjihatlikni mustahkamlashdagi xizmatlari, fan va madaniyat sohasidagi yutuqlari uchun beriladi.